ကုန်သွယ်ရေးစစ်ပွဲနှင့်ဆက်နွယ်သော အမေရိကန် -တရုတ် အားပြိုင်မှုများ နှင့် မြန်မာပြည်၏ အနောက်တံခါးကျိုးပျက်ခြင်း

ကုန်သွယ်ရေးစစ်ပွဲအတွက် တေ့ဆိုင်အားပြိုင်နိုင်ငံကတော့  တရုတ် နှင့် အမေရိကန် ပဲဖြစ်ပါတယ် ။

အကြမ်းအားဖြင့်  အမေရိကန်ဖက်မှာတော့ အိန္ဒိယ ၊ မြန်မာ ၊ ဂျပန် ၊တောင်ကိုရီယား ၊ ဖိလစ်ပိုင် စသည့်နိုင်ငံများပါဝင်ပြီး တရုတ်ဖက်မှာတော့ ဘင်္ဂလားဒေ့ရှ် နှင့်  ၎င်းနှင့် ဆက်စပ်သော OIC နိုင်ငံများ ၊ မြောက်ကိုရီယား အစရှိသည့်နိုင်ငံများပါဝင်ပါတယ် ။ဒီကြားထဲမှာ နိုင်ငံများရဲ့ အားပြိုင်မှုနဲ့အတူ ကြားနေနိုင်ငံများ ၊ အဖွဲ့အစည်းများလည်း ပါရှိပါတယ် ။

အားပြိုင်မှုတွေရဲ့   ထုံးစံအတိုင်း ထိုသူတို့ရဲ့ မိတ်ဖက် နိုင်ငံတွေဆိုတာလည်း ပါဝင်ပါတယ် ။ မိတ်ဖက်ဆိုတာကတော့  ရည်ရွယ်ချက်မတူသော်ငြားလည်း  လမ်းကြောင်းတူရင်  ပေါင်းလုပ်ကြတဲ့  သဘောမျိုးပါ ။ လမ်းကြောင်းမတူတဲ့အခါ လမ်းခွဲကြတယ်ပေါ့ ။ ဒါကြောင့်  နိုင်ငံရေးမှာ အမြဲတမ်း ရန်သူ၊ အမြဲတမ်း မိတ်ဆွေရယ် မရှိဘူးလို့  ဆိုလိုပုံရပါတယ် ။

၂၀၁၈  ခုနှစ်က စလို့  ကုန်သွယ်ရေးစစ်ပွဲကို အစပြုခဲ့တာ   ၂၀၁၉  နှစ်ကုန်ပိုင်းမှာ  အရှိန်အဟုန်မြင့်မြင့်ဖြင့် အပြန်အလှန်ထိုးနှက်မှုတွေ  ဖြစ်ပွားလို့  နေပါတယ် ။ ၂၀၁၇  ခုနှစ်ကာလ မတိုင်မီကတည်းက တရုတ်ဟာ ဉာဏပိုင်းဆိုင်ရာရပိုင်ခွင့် အခွင့်အရေးကို  ချိုးဖောက်ခိုးယူမှုတွေ  တစိုက်မတ်မတ်လုပ်လာခဲ့တာဖြစ်ပါတယ် ။ ဥပမာ -  apple  ဖုန်း ၊ ဆမ်ဆောင်းဖုန်း ၊ မာစီဒီးကါး ၊ အမေရိကန် စစ်လေယာဥ်  design တွေအထိ  ပေါ်ထင်ပုံတူကူးပြီး  ဉာဏပိုင်းဆိုင်ရာ ရပိုင်ခွင့်အခွင့်အရေးကို  ချိုးဖောက်ခဲ့တာပါ ။ အောင်မြင်တဲ့  design ၊နည်းပညာတစ်ခုရဖို့ အချိန်အားဖြင့် ၁၀ နှစ်တန်သည် ၊  နှစ် ၃၀ တန်သည်   အချိန်ယူရပြီး  သုတေသနလုပ်ငန်းအတွက် ငွေကြေးများစွာသုံးပြီး လုပ်ရတာမျိုးပါ ။အဲ့လို အချိန်တွေ ၊ငွေတွေရင်းနှီးမြှုပ်နှံပြီးမှ ရလာတဲ့ အသီးအပွင့်ကို ခွင့်ပြုချက်တစ်စုံတစ်ရာမရှိဘဲ ခိုးယူခြင်းဟာ ကိုယ်ကျင့်သိက္ခာဖောက်ပြန်ချင်းပါ ။

5 G  နည်းပညာနဲ့  ဟွဝေးဖုန်းကို  ကမ္ဘာ့စျေးကွက်ထဲကို  ဖြန့်ချိတော့မယ်ဆိုတော့မှ ဉာဏပိုင်းဆိုင်ရာအခွင့်အရေးတွေ ချိုးဖောက်မှုရှိတယ်ဆိုတဲ့ စွပ်စွဲချက်နဲ့  အမေရိကန်ရဲ့   ရိုက်ချမှုကို  ခံရပါတော့တယ် ။ အမေရိကန်အခြေစိုက် နည်းပညာကုမ္ပဏီတွေရဲ့    နည်းပညာပိုင်ဆိုင်ရာ သုံးစွဲခွင့်ပေးထားတဲ့  အခွင့်အရေးကို  ရုပ်သိမ်းခဲ့တာကြောင့်  5 G နည်းပညာ နှင့်အတူ ဟွဝေးဖုန်းဟာ ကျရှုံးသွားရတဲ့  အခြေအနေဆိုက်ရောက်သွားရပါတော့တယ် ။ ဒါတွေကတော့  မြင်သာတဲ့ အပိုင်းတွေရဲ့  ဖြစ်ပျက်မှုတွေပဲ  ဖြစ်ပါတယ် ။

မမြင်သာတဲ့အပိုင်းတွေကတော့  တရုတ်နိုင်ငံဟာ ကမ္ဘာ့နံပတ် ( ၁ )နေရာကို ရည်မှန်းပြီး  နိုင်ငံငယ်တွေအပေါ် အကြွေးထောင်ချောက်ပိစေပြီး  တရုတ်ရဲ့ ခေတ်သစ်ပိုလမ်းမစီမံကိန်းကို အကောင်အထည်ဖော်ဆောင်ပြီး  ကမ္ဘာကို အုပ်စိုးဖို့ပဲ  ဖြစ်ပါတယ် ။

တရုတ်ရဲ့ ဗျူဟာတစ်ရပ်ကတော့  နိုင်ငံတစ်နိုင်ငံရဲ့   ပြည်တွင်းလာဘ်စားမှု နှင့်လူမျိုးရေး ဘာသာရေး ပဋိပက္ခ အပေါ် သွေးထိုးလှုံဆော်ပြီး  အကြွေးထောင်ချောက်ဆင်ကာ  အဲ့ဒီနိုင်ငံကို လှုပ်မရအောင်တုပ်ပြီး  နိုင်ငံရဲ့  အရေးပါအချက်အခြာကျတဲ့နေရာကို  ရယူခြင်း နှင့် သံယံဇာတနှိုက်ထုတ်ခြင်းတို့ကို လုပ်ပါတယ် ။

အကြမ်းအားဖြင့်ပြောရရင်  ခေတ်သစ်ပိုးလမ်းမစီမံကိန်းဆိုတာ   တရုတ်နိုင်ငံ  ယူနန်ဖက်ကနေ မြန်မာနိုင်ငံ ရခိုင်ကမ်းမြောင်ဒေသ ၊ ဘင်္ဂလားဒေ့ရှ် ၊ပါကစ်စတန် ၊ သီရိလင်္ကာ ၊ အနောက် ဥရောပနိုင်ငံများနှင့်  မူစလင်ကမ္ဘာကို ဖြန့်ကျက်မဲ့  ရေကြောင်းစီးပွါးရေး ကူးသန်းလမ်းကြောင်းပဲ  ဖြစ်ပါတယ် ။

ကုန်သွယ်ရေးစစ်ပွဲဖြစ်ရတဲ့ အကြောင်းအရင်းကတော့ အထက်မှာပြောခဲ့သလို ဉာဏပိုင်းဆိုင်ရာရပိုင်ခွင့်အခွင့်အရေးချိုးဖောက်မှုများ ၊ နိုင်ငံငယ်တွေအပေါ် အကြွေးထောင်ချောက်ပိစေပြီး တရုတ်လက်အောက်ခံနိုင်ငံအဖြစ်သွပ်သွင်းခြင်းများ နှင့် ခေတ်သစ်ပိုးလမ်းမစီမံကိန်းကြောင့်  ဖြစ်ပါတယ် ။အမေရိကန်ဟာ အမြဲတမ်းပထမနေရာ ရယူထားမှုကို  တရုတ်ကို မပေးလိုတဲ့အတွက် ၊ တရုတ်ရဲ့ ဖျံကျမှုကို လက်တုန့်ပြန်ချင်တဲ့အတွက်ကြောင့် ကုန်သွယ်ရေးစစ်ပွဲအဖြစ်ကြေငြာပြီး  တရုတ်ရဲ့ အရံငွေ ၃ ထွီလီယံ ထွက်သွားအောင်  စီးပွါးရေး ၊နိုင်ငံရေးနဲ့  ကစားခြင်းဟု  ပြောလျှင်ရပါတယ် ။

တရုတ်-အမေရိကန် ကုန်သွယ်ရေးစစ်ပွဲအားပြိုင်မှုအတွက်  တရုတ်ရဲ့ ခေတ်သစ်ပိုးလမ်းမစီမံကိန်းဖော်ဆောင်ရေးမှာ အချက်အခြာကျတဲ့  မြန်မာနိုင်ငံ ၊ မြန်မာနိုင်ငံထဲကမှ  ရခိုင်ကမ်းမြှောင်ဒေသ ဟာ အရေးပါပြီး အချက်အခြာကျတဲ့ ကမ္ဘာ့နိုင်ငံများရဲ့ အာရုံစိုက်မှုကို  အထူးခံထားရတဲ့နေရာလည်းပဲ  ဖြစ်ပါတယ် ။ ရခိုင်ဘင်္ဂလီအရေးအခင်းဟာ  တရုတ်နှင့် အမေရိကန် အတွက်  အားပြိုင်မှုတွေထဲ အထူးအရေးပါတဲ့နေရာ တစ်နေရာပါ ။

ရခိုင်အရေးမှာ ပါဝင်နေတဲ့  နိုင်ငံများကတော့ မြန်မာ ၊ ဘင်္ဂလားဒေ့ရှ် ၊ အမေရိကန် ၊တရုတ် ၊အိန္ဒိယ၊ ဂျပန် ၊ တောင်ကိုရီယား ၊ ဗြိတိန် နှင့်  OIC အဖွဲ့ဝင်နိုင်ငံများ ဖြစ်ပြီး  အဖွဲ့အစည်းအနေဖြင့်  ဥရောပသမ္မဂ္ဂ ၊ ကုလသမ္မဂ္ဂ နှင့် တခြား NGO အဖွဲ့အစည်းများစွာ ပါဝင်ပါတယ် ။

ရခိုင်အနောက်တံခါးပြဿနာဟာ ခုမှ ဖြစ်လာတာတော့မဟုတ်ပါဘူး ။အရင့်အရင်အစိုးရအဆက်ဆက်ကတည်းက ရှိနေတဲ့ မီးပွါးတစ်ခုပါ။ ခေတ်အဆက်ဆက်မရှင်းနိုင်ခဲ့ပဲ  ဒေါ်အောင်ဆန်းစုကြည်ခေါင်းဆောင်တဲ့ ပြည်သူ့အစိုးရတက်လာတော့မှ  စစ်တပ်ရယ် ၊တရုတ်ရယ် ၊ ဘင်္ဂလားဒေ့ရှ်ရယ်ပေါင်းပြီး ဆီထိုးလိုက်လို့  ကမ္ဘာကျော်မီးဟုန်းဟုန်းတောက်မှုကြီး ဖြစ်ပွါးခဲ့ရတာမျိုးပါ ။

ရခိုင်စစ်မီးမွေးရတဲ့ အဓိကရည်ရွယ်ချက်ကတော့ စစ်တပ်ခေါင်းဆောင်တွေဟာ  သူတို့ အာဏာတည်မြဲရေး နှင့် ဒေါ်အောင်ဆန်းစုကြည်ကို  နိုင်ငံရေးစင်မြင့်ကနေ ရိုက်ချလိုတဲ့အတွက်ကြောင့်ဖြစ်ပြီး ၊ တရုတ်ရဲ့ ရည်ရွယ်ချက်ကတော့ စစ်တပ်တည်မြဲပြီး ပြည်သူ့အစိုးရပြုတ်ကျသွားမှ  မြန်မာပြည်ကိုစိတ်ကြိုက်ချယ်လှယ်နိုင်ရေး ၊ ရခိုင်ရေနက်ဆိပ်ကမ်းနှင့် မြန်မာ့သယံဇာတတူးဖော်လုပ်ကိုင်ရေးတွေမှာ အလကားမတ်တင်းနီးပါး ရရှိနိုင်ရေးကြောင့်ဖြစ်ပြီး ၊ ဘင်္ဂလားဒေ့ရှ်ကတော့ သူ့လူမျိုးဘင်္ဂလီတွေကိုအကြောင်းပြပြီး ကမ္ဘာကိုတက်မျက်ရည်ခံထိုးကာ ရခိုင်ကမ်းမြောင်အပိုင်ရရှိရေး နှင့် ဘင်္ဂလားဒေ့ရှ်ရေပိုက်နက်ချဲ့ထွင်ရေးတို့ပဲ ဖြစ်ပါတယ် ။

စစ်တပ် ၊တရုတ် နှင့်  ဘင်္ဂလာဒေ့ရှ်တို့ဟာ ဒေါ်အောင်ဆန်းစုကြည်ခေါင်းဆောင်သောပြည်သူ့အစိုးရကို  ထောက်ချောက်ဆင်ထားစေကာမူ သူတို့ဆင်ထားတဲ့ ထောင်ချောက် သူတို့ပြန်နင်းမိကာ အခြေအနေမလှ ဖြစ်ခဲ့ရပါတယ် ။

လက်တလောမှာတော့ -

ဂျပန် ၊ ထိုင်ဝမ် ၊ တောင်ကိုးရီးယား၊

စင်္ကာပူရေလက်ကြား ၊ အိန္ဒိယသမုဒ္ဒရာ ၊

ပစ္စဖိတ်ရေပြင် အကုန်လုံးမှာ

အမေရိကန်ရဲ့ ရေတပ်စစ်ဌာချုပ်များ

အခြေစိုက်ထားသလို  တောင်တရုတ်ပင်လယ်ထဲက တရုတ်ရေသွားလမ်းကြောင်းတွေကို  အမေရိကန်ရဲ့ဖျက်သင်္ဘောတွေနဲ့ ပိတ်ဆို့ထားတာကို  မဟန့်တားနိုင်တဲ့ အခြေအနေမျိုးနဲ့ တရုတ်ကြီး ရင်ဆိုင်နေရပါတယ် ။

ရခိုင်ကနေ ယူနန်ကို  ပိုက်လိုင်းသွယ်တန်းပြီး   လောင်စာဆီတွေတင်ပို့မှုကိုတော့  မပိုင်သေးလို့   မနင်းသေးပုံရတယ် ။ ရခိုင်ကနေ ယူနန်ကို  လောင်စာဆီပို့နေတာကို အနှောက်ယှက်ခံရရင်   တရုတ် လည်မြိုအညစ်ခံရသလိုဖြစ်ပြီး   အမေရိကန်- တရုတ်   စစ်ဖြစ်ဖို့ပဲ  ရှိပါတော့တယ် ။

တစ်ဘက်ကပြန်စဉ်းစားရင်

ငွေတိုက်စာချုပ်တွေရှိနေသရွေ့ တရုတ်ဟာ ကုန်သွယ်ရေးစစ်ပွဲ ကိုဆက်တိုက်နိုင်လောက်တယ်လို့ ယူဆရပါတယ် ။ရခိုင်ကကလည်း ခပ်ယဲ့ယဲ့ ။တရုတ်ပြည်အတွက် ကုန်ကြမ်းသယ်ယူပို့ဆောင်ရေးစွမ်းအင်မှာ  ရခိုင်ကအသက် ။ သူ့အတွက်စားရိတ်ထက်၀က် ချွေတာနိုင်တယ် ။

ဟောင်ကောင်အရေးကလည်း ကလည်းပူနေပြီ ။

ကုန်သွယ်ရေးစစ်ပွဲ ကလည်းမျှင်းပြီးသတ်နေသလိုဘဲ ။ကိုရီယား ၊ အမေရိကန် နှင့် ဂျပန်က စီးပွားရေးကိစ္စခေါင်းစဉ်တပ်ပြီးရှေ့ကျွမ်းနောက်ကျွမ်းတွေပစ်ပြီး မြန်မာဆီကို   ၀င်လာနေပြီ ။

သူမောင်ပိုင်စီးထားတဲ့ OBOR Super Plan (ခေတ်သစ် ပိုးလမ်းမစီမံကိန်း ) ကိုအညွန့်ခူးစားမှာလည်းစိုးရိမ်ရ ။

တရုတ်ပြည်တွင်းကဒိတ်ဒိတ်ကျဲကုမ္ပဏီတွေဆိုတာ တရုတ်အစိုးရလို့လည်းပြောလို့ရပါတယ် ။ ကိုင်းကျွန်းမှီကျွန်းကိုင်းမှီတွေ

စားအိုးကလည်းကြီး

ပင်လယ်ထွက်ပေါက်ကမရှိ

ကုန်းတွင်းပိတ်နိုင်ငံ ။

တရုတ်က သူ့ရဲ့ ပို့ကုန် ၊ သွင်းကုန် ၊ ကုန်ကြမ်းတွေကို မြန်မာနိုင်ငံကို  ဖြတ်မသယ်ပဲ  တောင်တရုတ်ပင်လယ်အတိုင်းကွေ့သည်မယ်ဆိုရင်   သယ်ယူစရိတ်  ကုန်ကျစရိတ်ဟာ  နှစ်ဆဖြစ်ပါတယ် ။ ဒါကြောင့် တရုတ်က ရခိုင်ကမ်းမြောင်ဒေသကို  အသေရရ အရှင်ရရ လိုချင်နေတာပါ ။ ဒါကြောင့်  မြန်မာနိုင်ငံဟာ ပထဝီနိုင်ငံရေး အနေထားမှာ ဗဟိုချက် ကျနေတယ်လို့  သမုတ်ကြတာပါ ။ 

ဦးသိန်းစိန် ဆင်းကာနီး  ရခိုင်ရေနက်ဆိပ်ကမ်းကို  ကမန်းကတမ်း တရုတ်နဲ့ စာချုပ်ကောက်ချုပ်သွားခဲ့တာ ။ပြောရရင်  တရုတ်ကို ထိုးအပ်ပစ်ခဲ့တာ ။ ပြည်သူ့အစိုးရတက်လာတော့  ရခိုင်ဆိပ်ကမ်းကို ချေးငွေနဲ့ တည်ဆောက်မဲ့  ၇.၅ ဘီလီယံကို  ၁.၃ ဘီလီယံထိ လျော့ချ ပြီး   တည်ဆောက်မှု အဆင့်တဆင့်အကြွေးကျေမှ  တဆင့်သွားမယ်ဆိုပြီး   ပြန်ပြောင်းချုပ်ဆိုလိုက်ခဲ့တဲ့အတွက်  ရခိုင်ဆိပ်ကမ်းကို အကြွေးနဲ့သိမ်းမဲ့  တရုတ်ရဲ့ အိပ်မက်ပျက်ပြားသွားခဲ့ရတယ် ။

ဒါတင်မကသေး ပြည့်သူအစိုးရရဲ့ဖိတ်ခေါ်မှုကြောင့်  တခြားနိုင်ငံက ရင်နှီးမြှပ်နှံမှုတွေကပါ  အစပျိုးနေပြီဆိုတော့  ရခိုင်ဆိပ်ကမ်းကို ကြိုးစားပန်းစားတည်ဆောက်ကာ  ပိုးလမ်းမလမ်းကြောင်းပွင့်သွားမှ   သူများက အလွယ်တကူကောက်စားသွားမှာလည်း  ထပ်ပြီး စိုးရိမ်နေရတဲ့  အနေအထားမျိုးပါ တရုတ် ရင်ဆိုင်နေရပါသေးတယ် ။

( ပိုးလမ်းမစီမံကိန်းကို  ထောက်ထားတဲ့  အိန္ဒိယကလာရောက်ရင်းနှီးမြှပ်နှံတဲ့ ကုလားတန်မြစ်ဝှမ်းဖက်စုံသုံးစီမံကိန်းအတွက် သယ်လာတဲ့ သံဘောင်တင် သင်္ဘောကို  တဖက်လှည့်နဲ့  AA  ကို  ထုခိုင်းတာ ဖြစ်မယ်လို့   ယူဆရပါတယ် ၊ ဒါကြောင့်  အဲ့ဒီစီမံကိန်း အနှောက်အယှက် ကင်းကင်းလုပ်နိုင်ဖို့  အိန္ဒိယဝန်ကြီးချုပ်မိုဒီ က ကာချုပ်ကို ခေါ်တွေ့ ညှိနှိုင်းပြီး တော်ပီတိုတွေ နှင့် ရေငုပ်သင်္ဘော ရောင်းပေးလိုက်တယ် ၊ ကာချုပ်ကလည်း ရေငုပ်သင်္ဘောရူးရူးနေတော့  ချက်တည့်သွားပုံရတယ် )

ကန်ကြီးကတော့  ရှင်းပါတယ် ။ တရုတ်ရဲ့ လက်ထဲမှာ ရှိတဲ့  အရံငွေ ၃ ထရီလီယံ မကုန်မချင်း  ဟိုဖက်ကလှည့်​ခြောက်လိုက်   ဒီဖက်ကလှည့်ကစားလိုက်  လုပ်နေဦးမှာပဲ ၊ ကိုင်ထားတဲ့ အရံငွေ ခမ်းရင်  ပိုးလမ်းမလမ်းကြောင်း ဖော်ဆောင်ဖို့နှောင့်နှေးသွားမယ် ၊ တရုတ်ဖက်ကလည်း ယွမ်တန်ဖိုး ကျသွားတော့ ( တမင်ချတာလည်း ဖြစ်နိုင်ပါတယ် ) ၊ ရွှေတွေဝယ်စုပြီး ကုန်သွယ်ရေးစစ်ရဲ့ဒဏ်/ဖိအားကို  ကာကွယ်လို့  လက်ရှိရွှေစျေးက  မြောက်နေတာပါ ။

ဘာတွေ ဘယ်လို ဆက်ဖြစ်အုံးမလဲ ၊ မြန်မာ့ ဒီမိုကရေစီအရွေ့ အခြေအနေကောင်းမလား ၊အ​ခြေခံဥပဒေပြင်ဆင်ရေး အထမြောက်မလား ၊ တပ်မတော်ကရော ရာထူးအပြောင်းအလဲ လုပ်ကာ နိုင်ငံရေးကို ကစားမလား ၊ပြည်သူ့အစိုးရရဲ့ ဝှက်ထားတဲ့ မှောက်ဖဲက ဘာလဲ ၊ ရရှိလာတဲ့ အခွင့်အရေးတွေကို ပြည်သူ့အစိုးရက ပိုင်နိုင်စွာ အသုံးချနိုင်မလားဆိုတာကတော့ ပိတ်ကားပေါ်မှာ 

ဆက်လက်စောင့်ကြည့်ရအုံးမှာ ဖြစ်ပါတယ် ။

တချို့လူတော်တော်များများပြောနေ ၊ ရေးနေကြတာတွေ့တယ် ..  ICC မှာ လတ်မှတ်ထိုးပြီး အရေးယူလိုက်ပါ့လားပေါ့ ။တကယ့်တကယ်ကတော့ သူတို့ပြောသလို  ICC မှာ လတ်မှတ်ထိုးပြီး  စစ်အာဏာရှင်တွေကို အရေးယူဖို့ မလွယ်ပါ ။ ဘာကြောင့်လဲ ??? 

ICC မှာ မူစလင်နိုင်ငံအများစုပါဝင်နေတာ ဖြစ်သောကြောင့်  အကယ်၍ မြန်မာအစိုးရက ICC မှာ လတ်မှတ်ထိုးလိုက်ရင် စစ်အာဏာရှင်တွေကို အရေးယူ၍ရမည်မှာ မှန်သော်လည်း  မွတ်စလင်နိုင်ငံတွေရဲ့  တောင်းဆိုမှုတွေကိုပါ လက်ခံရပါလိမ့်မယ် ။ မွတ်စလင်နိုင်ငံတွေရဲ့  တောင်းဆိုမှုကတော့  မြန်မာပြည်သူပြည်သားတွေ သိတဲ့အတိုင်း  ဘင်္ဂလီတွေကို ရခိုင်ပြည်နယ်ပေးရေး နှင့် မြန်မာတိုင်းရင်းသားအဖြစ် အသိမှတ် ပြုရေးပဲ ဖြစ်ပါတယ် ။ သူတို့တောင်းဆိုမယ့် အချက်တွေဟာ မြန်မာပြည်သူပြည်သားတွေအနေနဲ့ရော ၊ ပြည်သူအစိုးရ အနေနဲ့ပါ လုံးဝလက်ခံနိုင်စရာ အကြောင်းမရှိပါဘူး ။ကောင်းကျိုးက နည်းပြီး ဆိုးကျိုးကများသော ကြောင့်ဖြစ်သည် ။ ဒါကြောင့် ပြည်သူ့အစိုးရက လိမ်မာပါးနပ်စွာ ICC အဖွဲ့ဝင်နိုင်ငံဝင်ရောက်ဖို့  လတ်မှတ်မထိုးခြင်းဖြစ်ပါတယ် ။

အကယ်၍များ ICC ကို  အားကိုးဖြေရှင်းရင် ရခိုင်ပြဿနာ  (အနောက်တခါးပြဿနာ)မအေးချမ်းနိုင်သလို ၊ ပြေလည်သွားမှာလည်း မဟုတ်ပါဘူး ။ ရခိုင်ကျရင်  ရခိုင်ကမ်းမြှောင်ဒေသတင်မဟုတ်ဘဲ ဘင်္ဂလားပင်လယ်အော်ရေပိုင်နက်ပါ ဆုံးရှုံးရမှာပါ ။ ဒါကိုသိတဲ့ ပြည်သူ့အစိုးရက ICC မဟုတ်တဲ့ တခြားနည်းလမ်းကို ရွေးချယ်ခဲ့တယ်လို့ ဆိုနိုင်ပါတယ် ..ICC ကို  ကိုင်ပြီး ပြည်သူ့အစိုးရက  ဖြေရှင်းခဲ့ရင်  အတွင်းလောက် ( ပြည်တွင်းက ခြေဥပြင်ဆင်ရေးကန့်လိုက်တိုက်နေသူများ) ကို အကုန်မထုတ်နိုင်သလို  အပြင်က ဝင်ရောက်စွက်ဖက်နေတဲ့ပြဿနာ( မူစလင်နိုင်ငံများ၏ ဝင်ရောက်စွပ်ဖက်မှု ) ကို ရှင်းနိုင်မှာ မဟုတ်ပါဘူး ။

တနည်း....

တရုတ်နှင့်ဘင်္ဂလားဒေ့ရ်ှပေါင်းပြီး  တပ်မတော်အပေါ်ကို ဖျံကျတဲ့အကွက်ဟုလည်း ဆိုနိုင်ပါတယ်။

ပြည်သူ့အစိုးရကသာ ICC ကိုအားကိုးပြီး  စစ်အာဏာရှင်တွေကိုအရေးယူခဲ့မယ်ဆိုရင်  ရခိုင်ကမ်းမြှောင်ဒေသကို   ဘင်္ဂလာဒေ့ရှ် လက်ထဲတွန်းပို့သလိုဖြစ်ပြီး ဘင်္ဂလားဒေ့ရ်ှက ရခိုင်ကို ရသွားတဲ့အခါကျမှ   တရုတ်က လိုသလို ကမ်းလွန်ဆိပ်ကမ်းတည်ဆောက်ပြီး  ထွက်ပြေးဘင်တွေကို လုပ်အားအဖြစ်ယူသုံးမယ့်  တရုတ် အစီအမံတွေဟု  ယူဆရပါတယ် ။ 

တရုတ်က ပြည်သူ့အစိုးရကို  ချုပ်ကိုင်လို့  မရဘူးဆိုတာ သိခဲ့တဲ့အတွက်ကြောင့်  တပ်မတော်ကိုတော့ သူတို့အာဏာတည်မြဲရေး ၊ ဒေါ်အောင်ဆန်းစုကြည်ဖြုတ်ချရေးကို ပြထားပြီး  နောက်ကွယ်ကနေ တရုတ်နှင့်ဘင်္ဂလားဒေ့ရ်ှပေါင်းပြီး  ရခိုင်ဒေသကို ဘင်္ဂလားဒေ့ရ်ှလက်ထဲကို တွန်းပို့တဲ့ အနောက်ကနေထပ်ကစားတဲ့ဗျူဟာမျိုး အရိပ်အယောင် တွေ့နေရတယ်လို့  ဆိုချင်ပါတယ် ။

ဟိုဖက်သည်ဖက် ပေါင်းညှပ်ပြီးတိုက်ခဲ့တဲ့အကွက်တွေကို  ထိုးဖောက်ရုန်းထွက်ပြီး တန်ပြန်တိုက်စစ်( counter attack) ပြန်ကစားနိုင်တဲ့  ပြည်သူ့အစိုးရကို ချီးကျူးထိုက်တယ်လို့  ဆိုချင်ပါတယ် ။

( ၂၈.၈..၂၀၁၉ ရက်နေ့ )အနောက်တံခါးအခြေအနေအတွက် 

ကောက်နှုတ်သုံးသတ်ရရင်ဖြင့် -

မြန်မာ့အရေးနဲ့ ပက်သက်ပြီး နောက်ကွယ်က ကြိုးကိုင်တရုတ်ဟာ အခြေအနေမဟန်မှန်း သိတဲ့ အတွက်  သူကိုင်ခဲ့တဲ့ တချို့သော ကြိုးတွေကို ဖြေလျော့ပေးခဲ့ရပြီဟု ယူဆရပါတယ် ။

တရုတ်က ရခိုင်လူမျိုးရေးကိစ္စဟာ ၂ နိုင်ငံချင်း ရှင်းရမည့် ကိစ္စလို့ ပြောလိုက်တဲ့အတွက်ကြောင့်  တရုတ်ရဲ့ ချနင်းခြင်းကို  သိသွားတဲ့  ဘင်္ဂလားဒေ့ရ်ှက  တရုတ်ဆီက လက်နက်တွေ မဝယ်ဘဲ အနောက်နိုင်ငံတွေဆီကပဲ ဝယ်တော့မယ်ဆိုပြီး စိတ်ဆိုးတဲ့ စကားထွက်လာခဲ့ပါတယ် ။ 

ယခု  ဒုက္ခသည်ဘင်္ဂလီတွေကြားမှာ  လူဆိုးဂိုဏ်းဆန်ဆန်တွေ့လာရတာ ၊ NGO  ကူညီရေး အဆောက်အဦး အဖျက်ခံရတာတွေ ၊ ဒေသခံ လူငယ်ခေါင်းဆောင် သတ်ဖျက်ခံရတဲ့ ကိစ္စတွေ  ၊မြန်မာနိုင်ငံ ပြန်ပို့မည့် အစီအစဉ်ကို  ငြင်းဆန်တာတွေ ၊မဖြစ်နိုင်သည့် ရိုတိုင်းရင်းသားအသိအမှတ်ပြုပေးခွင့်တောင်းတာတွေ ၊လူသတ်မှု ၊ လူကုန်ကူမှု ၊လက်နက်နှင့် မူးယစ်ဆေးသိမ်းဆည်းရမိမှုတွေကြောင့်  ဘင်္ဂလာဒေ့ရ်ှဟာ  ဘင်္ဂလီဒုက္ခသည်တွေကို ပိုက်ဘောမိဖွယ် ရှိသွားပါပြီ ။ ဘင်္ဂလီအရေး စောင်းပေးအော်နေတဲ့ NGO နဲ့ ဒုက္ခသည်  ကယ်ဆေးရေး ခေါင်းဆောင်တွေဟာလည်း  ဘာမျှမပြောနိုင်အောင်  ပါးစပ်တွေ ပိတ်သွားရတဲ့  အနေအထားတစ်ခုကို  ရောက်သွားခဲ့ရပါပြီ ။

( ၂၇.၉..၂၀၁၉ )နေ့အတွက် သုံးသတ်ရလျှင်-

ဘင်္ဂလားဒေ့ရှ်က ဘင်္ဂလီဒုက္ခသည်တွေကို  တတိယနိုင်ငံမှာ အခြေချရေး စိတ်ဝင်စားတယ်ဆိုပြီး လေသံပစ်ပါတယ်။ ပစ်တာပေါ့ဗျာ ။

ဘင်္ဂလီတွေရဲ့   ရည်မှန်းချက်က ဒုက္ခသည်စခန်းကနေ တတိယနိုင်ငံသွားရေးပဲ ။ဒုက္ခသည် ဘဝကနေ ကျွတ်လွတ်ပြီး  ဖွံ့ဖြိုးပြီးနိုင်ငံတွေ နေထိုင်ခွင့်ရမဲ့အရေးကို ဘယ်သူက စိတ်မဝင်စားပဲ နေမလဲ ။

သဘောက ရှိတ်ဟာစီရာနာက ရခိုင်အနောက်တံခါးရဲ့  ဘင်္ဂလီပြဿနာဟာ အခြေအနေမဟန်မှန်းသိလို့ တတိယနိုင်ငံ ပို့ရေးကို ပြောလာတာပါ ၊ ဒုက္ခသည်တွေကို ခနဖမ်းထိန်းထားပြီး  ဒုက္ခသည်တွေကို လှူတဲ့ ပိုက်ဆံကမြိုးမြိုးမျက်မျက်ကလေး ရပေမဲ့ ရေရှည်မှာ မလွယ်မှန်း သိပ်သိတာပေါ့ ၊ လူလည်မကြီးပဲဟာ  ။ ဒေါ်စုနဲ့ကျမှ  ခံသွားရတာ ။ မြန်မာပြည်က စစ်အစိုးရနဲ့တုန်းက  ဟိုအဘွားကြီးက ခွေးချေးနိုင်သလိုနိုင်ခဲ့တာ ၊ မြန်မာပိုင် ရှင်မဖြူကျွန်း( ခ ) စိန့်မာတင်ကျွန်း ပါသွားတာသာကြည့်တော့ ။ အဲ့တုန်းက အင်္ဂလန်ရယ် ၊ တရုတ်ရယ် ၊ ဘင်္ဂလာဒေ့ရှ်ရယ်ပေါင်းပြီး  အိမ်ကျယ်စစ်အစိုးကို ဂျင်းထုသွားတာ ။အဲ့ဒါကို  ကျွန်းပေးလိုက်ရပေမဲ့  ရေမိုင်ဘယ်လောက်ပြန်ရလိုက်တယ်ဆိုပြီး  အိမ်က ခွေးတွေက ဂျင်းထည့်ကောင်းတုန်းရှိသေးတယ် ။

ကမ္ဘာအနှံ့အပြားမှာ ဒုက္ခသည်စခန်းတွေ မနည်းမနောရှိပါတယ် ။အဲ့ဒီ ဒုက္ခသည်တွေကို ဥရောပသမ္မဂ္ဂအဖွဲ့ဝင်နိုင်ငံတွေက နှစ်စဥ် ဒုက္ခသည်စခန်းကနေ ဒုက္ခသည်တွေ ရာခိုင်နှုန်းနဲ့ ခွဲယူရတယ် ၊ အင်္ဂလန်က ဥရောပသမ္မဂ္ဂက ထွက်ချင်ရတဲ့ အကြောင်းက ဘင်္ဂလီတွေကို ခွဲမယူချင်တာပဲ ။ ထွက်ရေး /မထွက်ရေးမှာ ဝိရောဓိ ဖြစ်နေရတာက ဥရောပသမ္မဂ္ဂကထွက်ရင် စီးပွါးရေးကုန်သွယ်မှုထိခိုက်မှာစိုးတဲ့အတွက်ပါ ။အဲ့လိုအခြေအနေတွေရှိနေတဲ့ အင်္ဂလန်က ဒုက္ခသည်တွေအပေါ်စာနာပြမှုဆိုတာကလည်း  အပေါ်ယံကြောပဲဆိုတာ သိနိုင်ပါတယ် ။

 အမေရိကန်က မက်ဆီကိုနယ်စပ်မှာ တံတိုင်းဆောက်တော့  ခိုးဝင်ဒုက္ခသည်တွေက ဖင်ထောင်အော်တယ် ။ ကန်ကလည်း အဲ့ဒုက္ခသည်တွေကို မလိုချင်ဘူး ။ ထရန့်ပြောနေတဲ့ အမျိုးသားရေးက အဲ့ဒါပါပဲ  ၊ OIC နိုင်ငံတွေက မြန်မာကိုဖိအားပေးပြီး  ရခိုင်ကို ရိုအတွက်နေရာသတ်မှတ်ပေးပြီး ကမ္ဘာအရပ်ရပ်က ရှိသမျှ   ဒုက္ခသည်က  ရိုပါဆိုပြီး  ရခိုင်ကို ဝင်လာမှာ   အနည်းဆုံး  ၅  သန်းဝန်းကျင်ရှိတယ်  ။ မဏိပူရမှာတင် ဘင်္ဂလားဒေ့ရှ်က ခိုးဝင်ဘင်္ဂလီ ၄ သန်းရှိတယ် ။အဲ့ထဲကမှ နိုင်ငံမဲ့ ဘင်္ဂလီက ၁.၄ သန်းရှိတယ် ။  ဘာလို့ ခိုးဝင်တွေ လက်ခံထားရသလဲဆို တချို့အမတ်တွေက ရွေးကောက်ပွဲမှာ မဲအတွက် အသုံးချဖို့ပါပဲ ။ မြန်မာပြည်မှာ usdp ရဲ့ လုပ်ရပ်နဲ့  ခပ်ဆင်ဆင်တူတယ်ဆိုရင် မမှားဘူး ၊ ခိုးဝင်တွေကို white cards  ထုတ်ပေးပြီး မဲ ထည့်ခိုင်းခဲ့တာမျိုးပေါ့ ။ အဲ့ ခိုးဝင် နိုင်ငံမဲ့ ဘင်္ဂလီတွေကို အိန္ဒိယမှာ တရားရုံးပေါင်း ၁၀၀၀ နဲ့စစ်ဆေးပြီး ဘင်္ဂလားဒေ့ရှ်ပြန်ပို့မယ် ၊ ပြန်ခေါ်ဖို့ပြောတော့  ဘင်္ဂလာဒေ့ရှ်က တုပ်တုပ်မလှုပ်ဘူး ။ မသိချင်ယောင်ဆောင်နေတယ် ။မြန်မာပြည်က ဘင်္ဂလီအရေးလည်း  တူတူပဲ ၊ မနပ်ရင် ခံသွားရမယ် ။

{ ပြောရရင် ဘင်ဂလားဒေ့ရှ်ဟာ ကိုယ့်နိုင်ငံသားတွေအပေါ်မှာ ဘာမှတာဝန်ခံမှု၊တာဝန်ယူမှု မရှိလို့  ဒီလိုပြဿနာတွေ ဖြစ်လာရတာကို  ပြန်ထောက်ပြမဲ့ ပညာရှင်  ကမ္ဘာ့စင်မြင့်မှာ တက်ပြောဖို့တော့ လိုနေပြီ။ }

အင်အားကြီးနိုင်ငံတွေက သူတို့ရဲ့  မကောင်းတဲ့  လုပ်ရပ်ကို ဖုံးကွယ်ချင်တဲ့အခါ  ခုလိုပဲ  နိုင်ငံငယ်တွေကို သတ္တုချတယ် ၊ ဝိုင်းဖိအားပေးတဲ့လုပ်ရပ်ကို  လုပ်နေကြတာပါပဲ ။ အထူးအဆန်းတော့လည်း မဟုတ်ပေဘူး ။ 

ဘိန်းရောင်းတဲ့သူက ဘိန်းနဲ့အလုပ်ဖြစ်တယ် ၊

လက်နက်ရောင်းတဲ့သူက လက်နက်နဲ့ အလုပ်ဖြစ်တယ် ။အခုလည်း  ဒုက္ခသည်နဲ့ အလုပ်ဖြစ်နေတဲ့  သူတွေကလည်း မနည်းမနောကိုးဗျ ၊အော်မှ ပိုက်ဆံရမဲ့သူတွေဆိုတော့ ဝိုင်းအော်တာမဆန်းဘူး ။မြန်မာပြည်မှာ ဘုရားကို ခုတုံးလုပ်ပြီး  အလုပ်ဖြစ်နေတဲ့ ဂေါပကတချို့ လိုပါပဲ ။

ရခိုင်ကိစ္စသာ တတွင်တွင်အော်နေပေမဲ့လို့ 

တရုတ်က ဝီဂါမူစလင် အကြောင်းကို  UN မ 'ဟ'ဘူး ။ ဘယ် 'ဟ 'မလဲ  တရုတ်ရဲ့ အပင်းဆို့နေတာကိုး။တရုတ်ရဲ့ လက်တံကလည်း UN အဖွဲ့ဝင်တချို့ နှင့် အမေရိကန်ဒီမိုကရက်တစ် အောက်လွှတ်တော်အထိ ရောက်တယ် ။ ဒါကို ဒေါ်နယ်ထရန့် ကောင်းကောင်းသိတယ် ။

ရခိုင်ပြဿနာပြီးရင် ဝီဂါမူစလင်ဖက် လှည့်မယ်လို့ ယူဆစရာရှိပါတယ် ။ ဝီဂါမူစလင်တွေ လူမြင်ကွင်း( pulblic )မှာ သူတို့ရဲ့  ဝတ်စုံဝတ်ခွင့်မရှိဘူး ၊ 'အလာ( Allah )' မအော်ရဘူး ၊ကျယ်လောင်စွာ ဝတ်ပြုခွင့် မရှိဘူး ၊ တရုတ်အစိုးရချမှတ်ထားတဲ့ တခြားသော စည်းမျဥ်းမလိုက်နာရင်  ပြုပြင်ထိန်းသိမ်းရေးစခန်းအရောက်ပဲ ၊ပြုပြင်ထိန်းသိမ်းရေးစခန်း( re education school  ) ဆိုတာ အမည်ခံပါ ၊ တကယ်က ထောင်ပဲ ။  

မြန်မာမှာ အဲ့လောက်ဆိုးဝါးတဲ့ လူမျိုးရေး ဘာသာရေး ဖိနှိပ်မှု မရှိဘူး ၊ စစ်အာဏာရှင်တွေရဲ့  ကိုယ်ကျိုးဖက်မှုကို သူတို့တွေ အသုံးချ ပြီး နိုင်ငံက  ဖိထောင်းခံနေရတာပါ။ 

စစ်အာဏာရှင်တွေရဲ့ အဂတိမှု ၊ လူမျိုးရေးသန့်စင်မှု ၊ ပြည်သူပြည်သားတွေအပေါ် သတ်ဖြတ်မှု စတဲ့ စွပ်စွဲချက်တွေကိုအကြောင်းပြုပြီး  မြန်မာကို ဖိထောင်းနေတဲ့ အကြောင်းအရင်းတွေပါပဲ ။

#အရင်းစစ်တော့စစ်အာဏာရှင်တွေဖြစ်နေတော့တာပါပဲ 😎

myanmar society🇲🇲