နိုင်ငံရေးကစားကွက်၏ အထွက်ထိပ်
တချို့တွေလည်းပြောကြတယ် ...
အမေရိကန်သမ္မတဒေါ်နယ်ထရန့်ဟာ စီးပွားရေးသမားမို့စီးပွားရေးအကြောင်းပဲ နားလည်သူဖြစ်တယ် ။ တခြားသော နိုင်ငံရေး ၊ စစ်ရေးအားနားမလည်သူလို့ သမုတ်ကြတယ် ။
အဲ့ဒါနဲ့ပဲ ဒေါ်နယ်ထရန့်ရဲ့ Profile ကို အနည်းနှင့်အများ လေ့လာဖြစ်ခဲ့ပါတယ် ။ စစ်မှုထမ်းကာလ ၅ နှစ်အတွင်းမှာ ဆုတံဆိပ်များစွာဆွတ်ခူးခဲ့သလို Captain - senior staff အထိရရှိခဲ့သူဖြစ်ပါတယ် ။ မခေသူပါပဲ ။ ဉာဏ်ရည်ထက်မြက်သည့်အပြင် လုပ်ရည်ကိုင်ရည် ရှိသူတစ်ယောက် ဖြစ်သည်ကိုတွေ့ရသည် ။
အိမ်ခြံမြေပွဲစားလုပ်ပြီး သန်းကြွယ်သူဌေးအဖြစ်ချမ်းသာလာသူ ဒေါ်နယ်ထရန့်ဟာ အမေရိကန်မော်ဒယ်ပေါင်းများစွာနဲ့ ပါတီပွဲကျင်းပပြီး သူ့လုပ်ငန်းတွေကို လူသိများအောင် ထင်ပေါ်လာအောင် အမျိုးမျိုးအဖုံဖုံကြိုးစားလာသူလည်း ဖြစ်ပါတယ် ။ တချို့သောရုပ်ရှင်ဇာတ်လမ်းမှာ ဖြတ်လျှောက် တဲ့အခန်းရိုက်ပေးဖို့ တောင်းဆိုခဲ့သူ ဖြစ်တယ်ပေါ့ ။အခွန်ရှောင်တဲ့သူအဖြစ်လည်း ပြောကြသေးတယ် ။စီးပွားရေးသမားတစ်ယောက်ဖြစ်ခဲ့တဲ့အားလျော်စွာ ဘယ်လိုနည်းလမ်းက အခွန်းအနည်းဆုံးပေးရမလဲဆိုတာမျိုးနဲ့ ဆောင်ရမဲ့အခွန်ငွေကို ဘောင်ထဲကနေ လျော့ချတာမျိုးကတော့ စီးပွားရေးသမားတိုင်းလိုလို လုပ်ကြမှာပါပဲ ။ သူကတော့ ထင်ပေါ်တော့ လူပြောခံထိတဲ့သဘောပါပဲ ။
လူအတော်များများသဘောမကျတဲ့အချက်က အပြောကြမ်း၍ ဟောင်ဖွာဟောင်ဖွာနိုင်သည် ဟုပင် ဖြစ်သည်။ သူပြောတဲ့စကားတွေမှားလားဆိုတော့လည်း မမှားပါဘူး။ မှန်တာတွေကို အာပေါင်အာရင်းသန်သန်ပြောတော့ လူမုန်းများတဲ့သဘောမျိုးပါ ။
အရင်က ထရန့်ကိုယ်တိုင်က ဒီမိုကရက်တစ်ပါတီကို အားပေးထောက်ခံခဲ့သူတစ်ဦးလို့ သိရပါတယ် ။ အဲ့ဒီအချိန်တုန်းက ဒေါ်နယ်ထရန့်ကြီးကို ချီးမွမ်းခန်းတွေ ဖွင့်ကြတာပေါ့ဗျာ ။ ရီပက်ဗလစ်ကန်ကနေ သမ္မတလည်း ဝင်ပြိုင်ရော ရလဒ်က ပြောင်းပြန် ဖြစ်သွားပြီး အပုတ်ချတိုက်ခိုက်နေကြတာတွေ့ရတာပါပဲ ။ယနေ့အချိန်အထိ အမေရိကန်မီဒီယာကြီးတွေရဲ့ ဒေါ်နယ်ထရန့်ရဲ့ မကောင်းကြောင်းကို ဆီလိုအပေါက်ရှာပြီး လိုက်ရှာတာတောင် ပြစ်ချက်မတွေ့သူဆိုတော့ တော်ယုံအရည်အချင်းရှိသူတော့ မဟုတ်ဘူးလို့ ကောက်ချက်ချမိပါတယ် ။
( မြန်မာပြည်မှာလည်း နိုင်ငံရေးပါတီအသိုင်းအဝိုင်းကလူတွေနဲ့ နိုင်ငံရေးအကြောင်းအချေအတင်ဆွေးနွေးရင် မင်းက ဘာသိလို့လဲ ၊ ငါတို့နိုင်ငံရေးအသိုင်းအဝိုင်းက လူတွေလောက် မင်းမသိပါဘူးဆိုတဲ့ အယူအဆမျိုး ၊ အပြောမျိုးတွေ စာဖတ်သူလည်း ကြုံဖူးပါသည် ။ ထိုနည်းတူစွာ ဒေါ်နယ်ထရန့်လို စီးပွားရေးလုပ်ငန်းရှင်တစ်ယောက်၏ ဆောင်ရွက်ချက်ကို နိုင်ငံရေးအသိုင်းအဝိုင်းက လူတွေက အထင်မကြီးကြပါချေ ။ မြန်မာပြည်ကတပ်လော်ဘီတွေပြောလေ့ပြောထ ရှိတဲ့စကားလိုမျိုးပေါ့ဗျာ ။ ခေါင်းဆောင်လုပ်မယ်ဆိုရင် စစ်ရေးအမြင်ရှိရမယ်ဆိုသောအပြောမျိုးပင် ။ ထိုသို့ပြောလို့ ထိုသူတို့ကိုယ်တိုင် စစ်ရေးအမြင်မှာ ကျွမ်းဘိဖြစ်နေသလားဆိုသော် ပြည်တွင်းစစ်ဖြစ်နေသည်မှာ နှစ် ၆၀ ကျော်ကြာသည်အထိ မငြိမ်းနိုင်ဘဲ မြန်မာ့ပိုင်နယ်မြေတချို့အား အိမ်နီးချင်းနိုင်ငံက အပိုင်ကြံခံလိုက်ရသည်သာ အဖတ်တင်တာတွေ့ရသည် ။ ထိုထက်ပို၍ သူတို့လည်း ပိုမလုပ်တတ်ကြပါချေ ။ )
အခုနောက်ပိုင်း ၂၀၂၀ ခုနှစ် အမေရိကန်ရွေးကောက်ပွဲမဲမသမာမှုနဲ့ပက်သက်လို့ မဲမသမာမှုလုပ်နည်းပေါင်း သောင်းခြောက်ထောင်သတင်းတွေ အလျိုလျိုပေါ်လာပေမဲ့ ဒီမိုကရက်တွေရဲ့မျက်နှာမပျက်ပါ ။ ဒီမိုကရက်တွေရဲ့ အရှုပ်ထုပ်တွေ ဗူးပေါ်သလိုပေါ်လာသော်လည်း မျက်နှာက ပြောင်လျက်ပင် ။ ဒေါ်နယ်ထရန့်ကိုတောင် အာဏာငန်းဖမ်းနေသယောင် ဝိုင်းထိုးနှက်နေကြသေးအဖြစ်က မြန်မာပြည်က ရှက်ကြောပျက်နေသော စစ်အာဏာရှင်သာဝတွေအလားပင် ။ အရှက်မဲ့စွာ မျက်နှာပြောင်တိုက်လွန်း လှသည် ။
၂၀၂၀ခုနှစ် မြန်မာ့ရွေးကောက်ပွဲတွင်လည်း စစ်အာဏာရှင်တွေ ရွေးကော်ဥက္ကဌအိမ် လက်ပစ်ဗုံးပစ်ခဲ့တယ် ၊ အသံမိုင်းခွဲခဲ့တယ် ၊ တံဆိပ်တုံးအတုလုပ်ခဲ့တယ် ၊ သန်းခေါင်ယံမဲခိုးတယ် ၊ ကြိုတင်မဲနဲ့လိမ်ခဲ့တယ် ၊ တစ်စုံတစ်ခုသောပါတီကို မဲထည့်ဖို့ ဖိအားပေးတယ် ၊ တစ်စုံတစ်ခုသောပါတီအားပေးထောက်ခံသူကို သတ်ခဲ့တယ် ၊ ရွေးကောက်ပွဲဝင်မည့် ကိုယ်စားလှယ်အချို့ကို ဖမ်းခဲ့တယ် ၊ ရွေးကောက်ပွဲနောက်ရွေ့ခိုင်းခဲ့တယ် ၊ ရွေးကောက်ပွဲပျက်ပြားအောင်ကြံစည်ခဲ့သူတွေက ရိုသားစွာ ယှဥ်ပြိုင်သော NLD ပါတီအား မဲခိုးသည်ဟု သူခိုးက လူပြန်ဟစ်ကြသည် ။ နိုင်ငံရေးပါတီတစ်ခုတည်းအား မဲပြုံထည့်သည့်ပြည်သူများအား နိုင်ငံရေးရေချိန်နိမ့်၍ ဉာဏ်မမီ၍ဟု ယုတ်ရင်းစွာဆိုခဲ့ကြသည် ။ အရှက်မဲ့စွာ မျက်နှာပြောင်တိုက်လွန်းလှပါသည် ။
အချုပ်အားဖြင့်ဆိုရသော် မြန်မာပြည်ကအာဏာရှင်သာဝများသည် ဘယ်လိုပဲထိုသူတို့၏အရှုပ်ထုပ် နှင့်မသမာတွေပေါ်ပေါက်လာပါစေ ရှက်ကြောပျက်ကာ ရှေ့ဆက်၍လည်း မျက်နှာပြောင်တိုက်နေဦးမှာ အမှန်ပင်ဖြစ်သည် ။ ထိုကြောင့် ဒေါ်အောင်ဆန်းစုကြည် မည်သို့ဆက်လုပ်မည်လဲ ၊ မည်သို့ကုစားမည်လဲသာ စောင့်ကြည့်ရမည်ဖြစ်သည် ။
ထိုနည်းတူစွာ အမေရိကန်ဒီမိုကရက်သာဝများသည်လည်း ဘယ်လိုပဲထိုသူတို့၏အရှုပ်ထုတ်တွေနှင့်မသမာမှုတွေပေါ်လာပါစေ ရှက်ကြောပျက်ကာ ရှေ့ဆက်၍လည်း မျက်နှာပြောင်တိုက်နေဦးမှာ အမှန်ပင်ဖြစ်သည် ။ ထိုကြောင့် ဒေါ်နယ်ထရန့် မည်သို့ဆက်လုပ်မည်လဲ ၊ မည်သို့ကုစားမည်လဲသာ တချက်စောင့်ကြည့်ရမည် ဖြစ်သည် ။ ကြိုတင်မဲ mail ballots များနှင့်ပက်သက်၍ ယနေ့လိုအခင်းအကျင်း ညစ်ကွက်တွေ ဖြစ်လာလိမ့်မည်ဆိုတာ ဒေါ်နယ်ထရန့်လည်း တင်ကြိုခန့်မှန်းတွက်ချက်ပြီးဖြစ်ပါလိမ့်မည် ။ အဘယ်ကြောင့်ဆိုသော် စာတိုက်ကနေမဲပေးတာတွေ မလုပ်ဖို့ ကြိုတင်တားမြစ်ခဲ့သောကြောင့် ဖြစ်သည် ။ ထို့ကြောင့် ယနေ့လိုအခင်းအကျင်းအား အဆုံးထိဆွဲခေါ်လာပြီးမှ ၎င်းအကြောင်းအရာအတွက် ဖြေဆေးတစ်စုံတစ်ရာမရှိလျှင် ကုစားရန် မလွယ်ကူလှပါချေ ။
myanmar society🇲🇲
မြန်မာပြည်သူအပေါင်း ကိုယ်စိတ်နှစ်ဖြာ ကျန်းမာချမ်းသာကြပါစေလို့ မေတ္တာပို့သလျက် ~~
