အချုပ်အနှောင်မှ ရုန်းကန်ခြင်း
အမေရိကန်-တရုတ် ကုန်သွယ်ရေးစစ်ဖြစ်တော့ တရုတ်ပြည်တွင်းကုမ္ပဏီတွေ ထိုင်း ၊ လာအို ၊ ဗီယက်နမ်ကို ပြောင်းသွားကြတယ် ။အကောက်ခွန်စီးကြပ်မှုကို ရှောင်ဖို့အတွက် ရှောင်ရှားသွားကြတာဖြစ်ပါတယ် ။ ကိုဗစ်ကာလအတွင်းမှာလည်း အမေရိကန် ကုမ္ပဏီတစ်ရာကျော် အိန္ဒိယကို ပြောင်းသွားပြန်တယ် ။ ဂျပန်အစိုးရကလည်း သူ့နိုင်ငံသားကုမ္ပဏီတွေကို ဒေါ်လာ ၂..၂ ဘီလျံ သုံးပြီး တရုတ်ပြည်တွင်းကနေ ထွက်ခွာစေတယ် ။ အဲ့ဒီ ဂျပန် ၊ ကိုရီယား ကုမ္ပဏီတွေလည်း ဘင်္ဂလားဒေ့ရှ်မှာ အခြေစိုက်ကြလိမ့်မယ် ။ ခုတဖန် အမေရိကန်စက်ရုံတွေ အင်ဒိုနီးရှားကို ပြောင်းရွေ့သွားဖို့ လုပ်ဆောင်နေကြပြန်ပါပြီ ။
ကုန်သွယ်ရေးစစ်ပွဲရဲ့ ဦးတည်ချက်က စီးပွားရေးမဟာဗျူဟာပြောင်းလဲတဲ့ သဘောပါ ။ တရုတ်ပြည်တွင်းမှာပဲ မလုပ်တော့ဘဲ တရုတ်နိုင်ငံပတ်ပတ်လည်မှာ စီးပွားရေးလုပ်မဲ့ မဟာဗျူအစီအစဥ် မျိုးပါ ။တနည်းအားဖြင့် တွေးကြည့်ရင် တရုတ်ရဲ့ခြိမ်းခြောက်မှုကိုခံနေရတဲ့ အိမ်နီးချင်း နိုင်ငံငယ်လေးတွေ ဆွဲတင်ပေးခြင်းဟာလည်း တရုတ်ကိုအရမ်းကြီးထွားမလာအောင် လုပ်ဆောင်တဲ့ ဗျူဟာတစ်မျိုးဆိုလည်း မမှားဘူးပေါ့ ။ မြင်သာအောင် ဥပမာ ပေးရရင် ကမ္ဘာအနှံ့ကနေ တရုတ်ပြည်မကြီးဆီကို စီးဝင်လာတဲ့ စီးပွားရေးရေစီးကြောင်းကို တရုတ်ပတ်ပတ်လည် ဘေးအိမ်နီးချင်းနိုင်ငံတွေကို ခွဲဝေစီးဆင်း စေလိုက်တဲ့ သဘောတရားပဲ ဖြစ်ပါတယ် ။
တရုတ်ပြည်တွင်းမှာ ရင်းနှီးမြှုပ်နှံနေတဲ့ ပြည်ပကုမ္ပဏီတွေ ထွက်ခွာသွားခြင်းအားဖြင့် ကုမ္ပဏီတွေပေါ်ကနေရနေတဲ့ အကောက်ခွန်တွေ ကျဆင်းသွားပါမယ် ။ ကုမ္ပဏီမှာ ခန့်ထားတဲ့ တရုတ်လုပ်သားတွေ အလုပ်လက်မဲ့ ဖြစ်ကုန်မယ် ။တရုတ်နိုင်ငံ၏ အလုပ်လက်မဲ့နှုန်းကို မည်သူမှ တိတိကျကျမသိနိုင်ပေမဲ့ ခန့်မှန်းခြေအရတော့ ၂၀၅ သန်း ရှိမည်ဟု ခန့်မှန်းကြသည် ။ ထိုထက်လည်း ပိုနိုင်သည် ။ထွက်သွားတဲ့ ပြည်ပကုမ္ပဏီတွေနေရာမှာ အစားထိုး ပြန်လည် လည်ပတ်ပြီး တရုတ်လုပ်သားတွေကို ခန့်ပေးနိုင်ဖို့ အလျင်အမြန်ဆောင်ရွက်နိုင်မှု မရှိရင် စီးပွားရေး ယိမ်းယိုင်တာမျိုးတွေ ဖြစ်လာပါမယ် ။ နိုင်ငံစီးပွားရေးလည်ပတ်မှုကို ချိန်ညှိပြီး ချထားတဲ့ ရင်းနှီးမြှုပ်နှံမှုကုမ္ပဏီတွေ ထွက်သွားတာကြောင့် နိုင်ငံစီးပွားရေးလည်ပတ်မှုယန္တရားကို အချိန်မီ ပြန်လည်တည့်မတ်ပေးနိုင်ဖို့ လိုတာတွေ ဖြစ်လာပါမယ် ။ဤသည်က တပိုင်း ။
ပိုးလမ်းစီမံကိန်းကြီးနဲ့တွဲဖက်မဲ့ ဒစ်ဂျစ်တယ်ငွေကြေးစီမံကိန်းပိုင်းကို တချက်ကြည့်မယ်ဆိုရင် Blockchain စီမံကိန်းပေါင်း ၅၀၀ ကျော်ကို China Cyber Administration တွင်မှတ်ပုံတင်ခဲ့ပြီး Tencent မှ Huawei အထိ တရုတ်နိုင်ငံ၏အကြီးဆုံးအင်တာနက်ကုမ္ပဏီများဟာ စီမံကိန်းများကိုမှတ်ပုံတင်ထားခဲ့ကြပါတယ် ။ Huawei ဟာ အမေရိကန်အခြေစိုက်ကုမ္ပဏီတွေရဲ့ ပိတ်ဆို့မှု ၊ ကန့်သတ်ချက်တွေကြောင့် ပြိုကျလုနီးပါး ဖြစ်ခဲ့ရပါတယ် ။ ထိုနည်းတူး Tencent ကုမ္ပဏီဟာလည်း အကြွေး ၆ ဘီလျံ တင်ရှိနေပါပြီ ။ ဒါကြောင့် ပိုးလမ်းမနှင့်တွဲဖက်မည့် ဒစ်ဂျစ်တယ် ငွေကြေးစီမံကိန်းကဏ္ဍဟာလည်း အခြေအနေ မကောင်းတော့ပါ ။
ဆိုလိုချင်တဲ့ သဘောက အဲ့ဒါတွေကို အချိန်ယူတည့်မတ်ရမှာ ဖြစ်တဲ့အတွက် ခေတ်သစ်ပိုးလမ်းမစီမံကိန်းကို ရပ်တန့်ထားရဖွယ်ရှိပါတယ် ။ပြည်တွင်းမှ အခြေကျအောင်မတည့်မတ်နိုင်ဘဲ ပိုးလမ်းစီမံကိန်းတွေကို ရှေ့ဆက်တိုးမယ်ဆိုရင် ခါးပြတ်ကျမှာ မလွဲပါ ။
ဒါကြောင့် နဂိုကတရုတ်ကိုဗဟိုပြုပြီး နိုင်ငံငယ်တွေအပေါ်ဂုတ်သွေးစုပ်အမြတ်ထုတ်မည့် ခေတ်သစ်ပိုးလမ်းမကြီးကနေ ပိုးလမ်းမကြီးကိုအဆင်သင့်အသုံးချပြီး နိုင်ငံအများကို ဗဟိုပြုကာ အကျိုးပြုမည့် လမ်းမကြီးအသွင် ရုန်းကန်ပြောင်းလဲလာနေတာကို မြင်တွေ့လာနေရပြီ ဖြစ်ပါတယ် ။
အမှတ်တမဲ့ကြည့်မယ်ဆိုရင်တော့ ဝူဟန်ဗိုင်းရပ်စ်ကြောင့် ၊ ကုန်သွယ်ရေးစစ်ပွဲကြောင့် ပြည်ပရင်းနှီးမြှုပ်နှံမှုကုမ္ပဏီတွေ လွတ်ရာကျွတ်ရာ ပြောင်းရွေ့သွားကြတယ်လို့ မြင်ကောင်းမြင်နိုင်ပါတယ် ။ အမှန်ကတော့ မဟာဗျူဟာအသာစီးရစေရန် စနစ်တကျရွေ့ပြောင်း အကွက်ချလုပ်ကိုင်ခြင်းသာဖြစ်ပါတယ် ။ ဤသည်ကို ပိုးလမ်းမအား ချိန်ခွင်လျှာညှိခြင်း ( သို့ ) ပိုးလမ်းမအား သိမ်းပိုက်ခြင်းလို့ စာရေးသူမှ ယခင်ကတည်းက မှတ်ချက်ပေးခဲ့ပြီးပါပြီ ။
အဲ့လိုအခြေအနေမှာ ရှီကျင်းပင်ဟာ တရုတ်ယွမ်တန်ဖိုးချပြီး ထုတ်ကုန်တွေ ထွက်ဖို့ကြိုးစားလာတာတွေ့ရပါတယ် ။ အဲ့လိုလုပ်ခြင်းအားဖြင့် တရုတ်ပြည်တွင်းက အရောင်းထိုင်းနေတဲ့ ထုတ်ကုန်တွေ ထွက်သွားနိုင်ခြေ ရှိတယ်ပေါ့ ။ ကမ္ဘာ့နိုင်ငံတွေရဲ့ အယုံအကြည်နည်းလာမှုကြောင့် မျှော်မှန်းသလောက်တော့ အရောင်းသွက်မယ်မထင်ပါ ။ နောက်တနည်းစဥ်းစားကြည့်ရရင် တရုတ်ယွမ်တန်ဖိုးလျော့ချခြင်းဟာ တရုတ်လုပ်သားတွေရဲ့ လုပ်အားတန်းဖိုးကို ထိခိုက်စေမှာ ဖြစ်ပါတယ် ။ ဥပမာ - ၁၀ ယွမ်တန်တဲ့ လုပ်အားဟာ ၈ ယွမ်ဖြစ်သွားတဲ့ အတွက် လုပ်အားတန်ဖိုး ၂ ယွမ်နစ်နာမှာ ဖြစ်ပါတယ် ။ လုပ်အားတန်ဖိုးလျော့ကျခြင်းနှင့်အတူ လုပ်သားတွေရဲ့လုပ်အားခကိုပါ အကျိုးသက်ရောက်စေပြီး လုပ်အားခကို မှီခိုနေရတဲ့ သူတို့ရဲ့ပတ်ဝန်းကျင်များစွာကို အကျိုးသက်ရောက်မှု ရှိလာမှာဖြစ်ပါတယ် ။
နောက်တစ်ချက်က အမေရိကန် ၊ ဂျပန် ၊ ဥရောပ စသည့် ပြည်ပရင်းနှီးမြှုပ်နှံမှု ကုမ္ပဏီတွေ တရုတ်ပြည်တွင်းက ထွက်သွားကြတဲ့အခါမှာ ရှီကျင်းပင် အနေနဲ့ အတော်တုန်လှုပ်သွားရတဲ့အနေအထားကို ဖြစ်ပေါ်စေခဲ့ပါတယ် ။ ရင်းနှီးမြှုပ်နှံမှုတွေ ထွက်သွားတာကတစ်ကြောင်း ၊ နောက်တစ်ကြောင်းက စစ်ရေးအရ လွပ်လပ်မှုကို ဖြစ်ပေါ်စေလာတဲ့အတွက်ကြောင့် ဖြစ်ပါတယ် ။ တရုတ် နှင့် မဟာမိတ်တွေ ဘယ်လောက်ပဲ တင်းမာမှု ရှိနေပါစေ မဟာမိတ်တွေရဲ့အကျိုးစီးပွားတွေလည်း တရုတ်ပြည်တွင်းမှာ အခြေချထားတာဖြစ်တဲ့အတွက် စစ်ဖြစ်နိုင်လောက်တဲ့ အခင်းအကျင်းမျိုးဖြစ်ပေါ်ခဲ့ရင်တောင် တရုတ်ကို ထုဖို့အတော်စဥ်းစားကြရမှာ ဖြစ်ပါတယ် ။ ယခုမူ မဟာမိတ်တွေရဲ့ အကျိုးစီးပွားတွေ တရုတ်ပြည်တွင်းမှာမရှိတော့တာကြောင့် စစ်ဖြစ်နိုင်လောက်တဲ့အခင်းအကျင်းမျိုးဖြစ်လာခဲ့ရင် တရုတ်ပြည်မထဲကို ဒုံးကျည်တွေ ပစ်သွင်းဖို့ဟာ အရင်ကထက်စာရင် ရာခိုင်နှုန်းပိုများလာပြီလို့ ဆိုရမှာ ဖြစ်ပါတယ် ။
ဒါကြောင့်လည်း Ladakh ၊ Sikkim ဒေသတွေဖြစ်တဲ့ တရုတ်ပြည်အနောက်ပိုင်းမှာ စစ်ရေးအင်အား တိုးချဲ့ချထားခြင်းဖြစ်ပါတယ် ။ အကယ်၍ တောင်တရုတ်ပင်လယ် စစ်ရေးပြင်းထန်ချိန်မှာ တရုတ်အနောက်ပိုင်းကနေ ဝင်တွယ်မှာ စိုးတဲ့အတွက်ကြောင့် ဖြစ်ပါတယ် ။သဘောကတော့ ဟာကွက်ဖြစ်နေတဲ့ တရုတ်ပြည်အနောက်ပိုင်းကို ကြိုကာထားတဲ့ သဘောဖြစ်ပါတယ်။ Ladakh မှာရှိတဲ့တရုတ်စစ်ရေးအင်အားကတော့ ပါကစ္စတန်တပ်တွေနဲ့ ပူးပေါင်းသွားနိုင်အောင်ထိ ရည်ရွယ်ထားဟန်ရှိပါတယ် ။ ကတ်ရှ်မီးယားအရေးကိုလည်း စွက်ဖက်ရင်းပေါ့ ။
တောင်တရုတ်ပင်လယ်ဖက်ကို ကြည့်ရင် ဟောင်ကောင်ကို အမျိုးသားလုံခြုံရေးဥပဒေ တင်သွင်းပြီး တင်ကြိုထိန်းချုပ်ဖို့ကြိုးစားလာတာမျိုး တွေ့ရပါတယ် ။ တဖက်ကလည်း ကမ္ဘာ့နိုင်ငံတွေရဲ့ လျော်ကြေးတောင်းအစီအစဥ်ကို အာရုံလွှဲတဲ့အကျိုးသက်ရောက်မှုမျိုးလည်း ဖြစ်စေတယ်ပေါ့ ။
မြန်မာပိုင်းမှာတော့ အကယ်၍များ ကမ္ဘာစစ်ဖြစ်ပြီဆိုရင်တော့ တပ်မတော်ဟာ အာဏာသိမ်းနိုင်ချေ အများကြီး ရှိပေမဲ့လို့ စစ်ရဲ့အနိုင်အရှုံးက ရလဒ်ကို ဆုံးဖြတ်မှာ ဖြစ်တဲ့အတွက် သိပ်တော့လည်း စိုးရိမ်စရာ မရှိလှပါ ။မြန်မာမှာ တရုတ်- အမေရိကန် နှစ်ဖက်စလုံးရဲ့ အကျိုးစီးပွား နည်းတာကြောင့် ပစ်မှုခတ်မှု နည်းမယ်လို့ မှန်းရတာပါပဲ ။ ရခိုင်ရဲ့ တချို့နေရာ နှင့် ကိုကိုးကျွန်းမှာတော့ အထိအခိုက် အနည်းငယ် ရှိနိုင်ပါတယ် ။
ယခုတက်လာတဲ့ နောက်ဆုံးသတင်းတွေအပေါ် ဆက်စပ်ကြည့်ရရင် တရုတ်ဟာ သူ့ရဲ့လက်တံတွေကို ငွေလမ်းခင်းပြီး ကမ္ဘာ့အနှံ့အပြားမှာ ဆူခိုင်းနေပါပြီ ။ Sikkin ဒေသတင်းမာမှု ၊ Ladakh တင်းမာမှု ၊ ဆီရီးယား နှင့် အီရတ်မှာရှိတဲ့ IS အကြမ်းဖက်အဖွဲ့တွေ ခေါင်းပြန်ထောင်လာခြင်း၊ သြစတေးလျကို ကိုဗစ်-၁၉ ကိစ္စမှာ စုံစမ်းစစ်ဆေးမယ် တရုတ်ကိုရှုံ့ချတယ်ဆိုလို့ ပို့ကုန်တွေအတွက် ၅၀ ဘီလျံ နစ်နာအောင် ကြံဆောင်နေခြင်း ၊ ဟောင်ကောင် ဥပဒေကြမ်းတင်သွင်းခြင်း ၊ ထိုင်ဝမ်ကို ခြိမ်းခြောက်ခြင်း ၊ မြန်မာဖက်ပိုင်းကို ကြည့်ရင် လွှတ်တော်ဥက္ကဌအား ဖြုတ်ချမဲ့ ဥပဒေတင်သွင်းခြင်း နှင့် ICJ တရားစွဲအစီအစဥ်အား အားကောင်းအောင် မော်လ်ဒိုက်အားထပ်ပေါင်းခြင်းအပြင် ပြည်ထောင်စုလမ်းမကြီးပေါ် တိုက်ခိုက်မှု ပြန်လည်ဖြစ်ပွားခြင်း ၊ အမေရိကန်မှာ လူမည်းတစ်ဦးသေစေခြင်းမှ အထိကရုန်းအား ဦးတည်စေခြင်း စသည့် မဟာမိတ်တွေရဲ့ ချုပ်နှောင်မှုအား ရုန်းကန်ခြင်းကို မြင်တွေ့လာရပါတယ် ။
ကမ္ဘာ့အခင်းအကျင်းတွေ တရုတ်အလိုကျ ရွေ့လျားလာဖို့ တရုတ်ဟာ ငွေလမ်းခင်းပြီး ပုံဖော်စေခဲ့တာပါ ။ ဒါကြောင့် ဒေါ်နယ်ထရန့်မဆင်းမချင်း ဒေါ်နယ်ထရန့်ပြုတ်ကျအောင် ဖန်တီးဖို့ ဒေါ်လာအမြောက်အများလိုနေအုံးမှာပါ ။ (တရုတ်ဟာနိုင်ငံရေးအခင်းတွေမှာ ငွေလမ်းခင်းပုံဖော်တဲ့ သာဓကအားမြင်အောင်ပြရမည်ဆိုလျှင် - မြစ်ဆုံစီမံကိန်းနဲ့ပက်သက်လို့ ဆိတ်ဆိတ်နေဖို့ "အမျိုးသားလွှတ်တော်ကိုယ်စားလှယ် ဦးဂျေယောဝူ"ကို လာပြီး လာဘ်ထိုးခဲ့တာက အကောင်းဆုံး သာဓက ဖြစ်မှာပါ ။)
တရုတ်ရဲ့မိတ်ဖက် ရုရှားကလည်း လက်နက်လည်းမရောင်းရ ၊ ရေနံစျေးတွေထိုးကျပြီး သူ့ပြည်တွင်းရေးကို မနည်းဖြေရှင်းနေရတဲ့ အနေအထားပါ ။ ပြည်သူ့ထောက်ခံမှုအားလျော့ကျနေတဲ့ ဗလာဒီမာပူတင်ဟာ တရုတ်ဖက်ကနေ မရပ်တည်နိုင်တဲ့ အခြေအနေဖြစ်နေသလို ၊ တကယ်တမ်း စစ်ဖြစ်နိုင်တဲ့ အခင်းအကျင်းရှိနေချိန်မှာ မြောက်ကိုရီးယား ကင်ဂျုံအမ်ဟာလည်း သေသလိုလို ၊ ရှင်သလိုလို ၊ မသေမရှင်ဖြစ်နေသလိုလိုနဲ့ ဝပ်ကျင်းထဲ ခုန်ဆင်းပြီး လက်ရှောင်နေခဲ့တာတွေဟာ တရုတ်ကို အားလျော့စေခဲ့ပါတယ် ။
ခြုံငုံပြောရရင် တရုတ်ဟာ အရမ်းတုန်လှုပ်နေပြီလို့ မှတ်ချက်ပေးလို့ရပါတယ် ။
myanmar society🇲🇲
ပိုးလမ်းမ ၊ အမေရိကန်-တရုတ် ကုန်သွယ်ရေးစစ်ပွဲကို ရေရေရာရာမသိသေးတဲ့သူတွေက ကျနော်အရင်က ရေးခဲ့တဲ့ ဆောင်းပါးကို ပြန်ဖတ်ပေးပါ ။ အဲ့ဒါဆိုရင် တီးမိခေါက်မိ ရှိသွားမှာပါ ။ ဖတ်ပြီးသားသူတွေလည်း ထပ်ဖတ်ပြီး နွှေးချင်တယ်ဆိုရင်ဖြင့် ထပ်ဖတ်ပြီး အားပေးနိုင်ပါတယ် ။ 👇
