အနာနှင့်ဆေး တည့်ဖို့လို
ဂျိုးဘိုက်ဒန်ရဲ့ပေါ်လစီအရ အာစီယံဒေသတွင်းမှာလည်း စိတ်ဝမ်းကွဲမှုတွေ ဖြစ်လာရသလို ဥရောပမဟာမိတ်တွေကြားမှာ စိတ်ဝမ်းကွဲမှုတွေ ဖြစ်ပေါ်လာရတယ်။ အမေရိကန်ပြည်တွင်းမှာလည်း ပြည်တွင်းအကြမ်းဖက်မှုတွေ မြင့်တက်လာတယ်လို့ တက်လာတဲ့သတင်းတွေအရ ကောက်ချက်ဆွဲလို့ရပါတယ် ။ ဂျိုးဘိုက်ဒန်အစရှိသော ကမ္ဘာ့ခေါင်းဆောင်တွေရဲ့အပြောနဲ့ပကတိမြေပြင်အရှိတရားဟာ ခြားနားနေတာ ၊ မယောင်ရာဆီလူးနေတာ ၊ လိုရင်းမရောက်နိုင်တာ ၊ လုံးဝဆန့်ကျင်ဖက်ဖြစ်နေတာကို သိနိုင်ပါတယ်။
NUG အစိုးရအနေနဲ့ ကုလသမဂ္ဂစာမျက်နှာမှာပဲဖြစ်ဖြစ် ၊ ကမ္ဘာ့စာမျက်နှာပဲဖြစ်ဖြစ် ၊ ပြည်တွင်းစာမျက်နှာပါပဲဖြစ်ဖြစ် ကိုယ်ထူကိုယ်ထ ကိုယ်လမ်းကြောင်းကိုဖောက်ပြီး တူရာတူရာတွေစုပြီး သွားမှ ပိုအဆင်ပြေပါလိမ့်မယ်။ သူများအပြောမှာ မျှောလိုက်နေရင် ရေမျောကမ်းတင်ဖြစ်သွားလိမ့်မယ်။
မြန်မာ့နိုင်ငံရေးအကြပ်အတည်းကို ကျော်လွှားဖို့ ၊ နိုင်ငံရေးအကြပ်အတည်းကို ဖြေရှင်းဖို့ အင်အားကြီးမားတဲ့ပြည်သူ့ကိုယ်စားပြုတပ်မတော်တစ်ခု ဖန်တီးဖို့လည်း မရှိမဖြစ်လိုကိုလိုပါတယ်။၎င်းအချင်းအရာဟာ ရေတိုအတွက်လည်း လိုတယ် ၊ ရေရှည်အတွက်လည်း လိုပါတယ်။ဒီမိုကရေစီနိုင်ငံတွေမှာ ကျင့်သုံးတဲ့ နိုင်ငံသားတိုင်း စစ်ပညာမသင်မနေရ လုပ်ထုံးလုပ်နည်းနဲ့လည်း ကိုက်ညီတယ် ။
ပြဿနာတစ်ခုဟာ မကြာသင့်ဘဲ ကြာနေရတာဟာ အနာရောဂါနှင့်ဆေး မတည့်သေးလို့ပါပဲ။အနာရောဂါနှင့်ဆေးတည့်သွားရင် အချိန်တိုတွင်း မုချပျောက်ကင်းပါတယ်။စိန်ခေါ်မှုတစ်ခု (သို့ ) ပြဿနာတစ်ခုကို အဖြေရှာတဲ့နေရာမှာ အကြောင်းတရားနှင့်အကျိုးတရားကို ရှင်းလင်းစွာသဘောပေါက်ရင် အနာရောဂါအတွက်လိုအပ်တဲ့ဆေးကို ရှာဖို့ခက်မယ်မထင်ဘူး။ တချို့ အနာရောဂါတွေက ဆေးကုလို့မပျောက်နိုင်ပါဘူး ၊ အနာရောဂါဖြစ်လာရခြင်း အကြောင်းတရားကို ပယ်မှ အနာပျောက်ကင်းပါတယ်။
ဒီအကြောင်းတွေကို အရင်ကလည်း အကြိမ်ကြိမ်သတိပေးခဲ့ပြီးသားဖြစ်ပါတယ်။ခုလည်း ထပ်မံနှိုးဆော်ပေးတဲ့သဘောပါ။
myanmar society🇲🇲
