မည်သူနိုင်၍ မည်သူရှုံး
ကမ္ဘာသူ၊ကမ္ဘာသားတွေ အသိဉာဏ်နိမ့်ပါးစဥ်က နေမဝင်အင်ပါရာအဖြစ် တခန်းတနားအုပ်စိုးခဲ့သော ဗြိတိသျှအင်ပါယာကြီးဟာ ဒုတိယကမ္ဘာစစ်ကြီးပြီးတော့ ပြိုဆင်းသွားခဲ့ရသော သာဓက ရှိပါသည် ။
ဟစ်တလာ၏ ကမ္ဘာကို အုပ်စိုးမည့်အကြံ ...
ဂျပန်၏ ကမ္ဘာသိမ်းမည့်အကြံ ...
ဆဒ္ဒန်ဟူစိန်၏ ကမ္ဘာသိမ်းမည့်အကြံ ...
အစပိုင်းတွင် အဆင်ပြေသယောင်ယောင် ရှိသော်လည်း အခြေတည်သော အခြေခံမဟာဗျူဟာအားနည်းချက်ကြောင့် ပြိုဆင်းသွားခဲ့ရသည်ချည်းသာ ဖြစ်သည် ။
ယနေ့ခေတ်လို သတင်းအချက်အလက်စီးကူးမြန်၍ အသိဉာဏ်မြင့်မားသောကမ္ဘာသူကမ္ဘာသားများအား မတော်မတရားနည်းလမ်းဖြင့် အုပ်စိုးမည်ဟု ကြံစည်ခြင်းက မိုက်မဲရာ ကျလွန်းသည် ။
အမေရိကန်ရွေးကောက်ပွဲတွင် အမေရိကန်သမ္မတဒေါ်နယ်ထရန့် နိုင်သည်ဖြစ်စေ ၊ ရှုံးသည်ဖြစ်စေ တရုတ်၏ကမ္ဘာသိမ်းအိပ်မက်သည် များမကြာမီတွင် ပြိုကျဖို့ရာသာ ရှိသည်။
၂၀၁၅ - ၂၀၂၀ ခုနှစ် မြန်မာ့အရေး/ကမ္ဘာ့အရေးတွင် တရုတ်အရှုံးကြီး ရှုံးသည်ဟုပင် သမုတ်၍ရသည်။
အမေရိကန်-တရုတ် ကုန်သွယ်ရေးစစ်ပွဲ ၊ နိုင်ငံရေးအားပြိုင်မှု ၊ ရွေးကောက်ပွဲအားပြိုင်မှုများတွင် တရုတ်သည် နည်းဗျူဟာပိုင်းအရ အပင်းအထည့်ကောင်း၍ သာကောင်းသာနိုင်သည် ။ သို့သော် ထိုအဖြစ်ကား ကောက်ရိုးမီးသဖွယ်သာ ဖြစ်သည်။ အရှိန်ပြင်းပြင်းဖြင့် မီးစာမကုန်သေး၍ ဟုန်းကနဲ့တောက်နေခြင်းသာ ဖြစ်သည်။ ထိုသို့ မီးရှိန်ပြင်းချိန်တွင် ကမ္ဘာသူကမ္ဘာသားတွေ အပူဟတ်ခံနေရသောသဘော ရှိသည် ။
ထို့ကြောင့် လက်ရှိကမ္ဘာ့အရေးအားသုံးသပ်ကောက်ချက်ဆွဲရလျှင် လက်တလောအဆင်ပြေရေးအားအသားပေးပုံဖော်နေသော တရုတ်အဖို့ ရေတိုမှာအားသာသော်လည်း ရေရှည်သွားမည့်မဟာဗျူဟာတွင် ကျရှုံးခဲ့ပြီဟု ဆိုရမည် ။
မဟာဗျူဟာရဲ့သဘောက အုတ်မြစ်နဲ့ တူလှသည် ။ အုတ်မြစ်ကောင်းစွာ မချခဲ့လျှင် အထပ်မြင့်ဆောက်၍ မရနိုင်ပေ ။ အထပ်မြင့်လာလေလေ ပြိုကျနိုင်သောအန္တရာယ်ကြီးလာလေလေ ဖြစ်သည် ။
အခြေခံအုတ်မြစ်ကောင်းစွာမချခဲ့သော တရုတ်အဖို့ အခြေခံအုတ်မြစ်၏ ထိန်းနိုင်စွမ်းနှင့်ဟန်ချက်ကို ကျော်လွန်ပါက ပြိုကျမည်သာ ဖြစ်သည်။
ထို့ကြောင့် ထရန့်မရှုံး ၊ တရုတ်သာ ရှုံးသည် ။
မြန်မာ့အပေါ်သဘောထားသော တရုတ်၏မူဝါဒသည် ယနေ့ထိတိုင်မပြောင်းလဲသလို ကမ္ဘာ့နိုင်ငံများအပေါ်ထားသော တရုတ်၏မူဝါဒသည်လည်း မပြောင်းလဲသေးပေ ။
တရုတ်သာဝရော ၊ မြန်မာသာဝရော ယနေ့အချိန်ထိ နောင်တရကြသေးဟန်မတူပေ။ ရလိုဟန်လည်း မရှိကြသေး ။
myanmar society🇲🇲
မြန်မာပြည်သူပြည်သားအပေါင်း ကျန်းမာ ၊ ချမ်းသာကြပါစေကြောင်း မေတ္တာပို့သလျက် ~~
