အာဏာရှင်တို့၏ နောက်ဆုံးထွက်သက်

တခြားကမ္ဘာ့နိုင်ငံတွေမှာ ကိုရိုနာဗိုင်းရပ်စ် ကူးစက်ပြန့်ပွားနေမှုကို တားဆီးဖို့ ဆက်ကြိုးစားရုန်းကန်နေကြချိန်မှာ ဝူဟန်မြို့ကတော့ ကပ်ဘေးအန္တရာယ်ကြီးကနေ ကင်းလွတ်သွားခဲ့ပြီလို့ ယူဆရပြီး ဝူဟန်မြို့မာယာကမ်းခြေ အပန်းဖြေပန်းခြံထဲက ပုံတွေဟာ လူတွေအကြား တမဟုတ်ချင်း ပျံ့သွားခဲ့ပါတယ်ဆိုတဲ့သတင်းနှင့် ပက်သက်၍  ကမ္ဘာ/မြန်မာအရေးအား အနည်းအကျဉ်းမျှ  ဝေဖန်သုံးသပ်မှု ပြုပါရစေ ။

၎င်းတို့ ပြုလုပ်ခဲ့သော ရေပါတီ link 👇

ရေပါတီ/Water Party

နဂိုကတည်းကလည်း  ဒီယူဆချက်တွေကို ရေးသားခဲ့ပြီး ဖြစ်ပါတယ် ။ သို့သော်  ထပ်နွှေးကြအုံးစို့ ။

ပထမအချက် -

စဥ်းစားစရာက ကွန်မြူနစ်နိုင်ငံဖြစ်တဲ့ တရုတ်နိုင်ငံဟာ  ဝူဟန်မှာ  ရောဂါဖြစ်တယ်ဆိုတဲ့ ပုံရိပ်တချို့ကို ပြပြီး  ကမ္ဘာကို  တပတ်ရိုက် ပိုးဖြန့်ခဲ့တာလားဆိုတာပါပဲ ။ဘာဖြစ်လို့လဲဆိုရင်  ကွန်မြူနစ်အာဏာရှင်နိုင်ငံ ဖြစ်လို့  သတင်းထိန်းချုပ်မှုအပိုင်းမှာ  တခြားဒီမိုကရေစီနိုင်ငံတွေထက်  ပိုထိန်းချုပ်နိုင်စွမ်း ရှိတာကြောင့်ဖြစ်ပါတယ် ။

ဒုတိယအချက်-

ဖြေဆေးရပြီးမှာ  ကမ္ဘာ့ကို  ရောဂါပိုးဖြန့်ခဲ့လေသလား ။အဲ့လိုဆိုရင်  ဆက်တွေးစရာရှိပါတယ် ။ ကိုဗစ်-၁၉ ဇီဝလက်နက်နဲ့ ကမ္ဘာကို  တိုက်ခိုက်ဖို့  နဂိုကတည်း ချထားတဲ့ စီမံကိန်းကို  အသုံးပြုခဲ့ခြင်းလား ။

ပိုးလမ်းမစီမံကိန်းချေးငွေတွေနဲ့ ကမ္ဘာနိုင်ငံတွေကို  အကြွေးပတ်ချပြီး  ပြန်မဆပ်နိုင်အောင်  ဗိုင်းရပ်စ်ပိုး ဖြန့်ဖို့  နဂိုစီမံကိန်း ရှိနှင့်ပြီး  ဖြစ်ခဲ့လေသလားဆိုတာပါ ။

(နောက်တစ်ခုရှိပါသေးတယ် ။

ခုပြောမဲ့ဟာကတော့ ကျနော်ရဲ့ စိုးရမ်သံသယ သက်သက်ဖြစ်ပါတယ် ။ မြန်မာပြည်က စစ်အာဏာရှင်တွေကို  တရုတ်က Sy-400 တွေရောင်းပေးလိုက်တယ်။

Sy- 400 ဟာ ထိပ်ဖူးလဲလို့ရတယ်ဆိုတယ်။Sy-400 ရောင်းပေးမယ်ဆိုတဲ့သတင်းထွက်လာတဲ့ နောက်မှာ  တရုတ်ဆေးပညာရှင်တွေ မြန်မာပြည်ကို  ၄  ကြိမ်ထက်မနည်း လာရောက်ခဲ့ပါတယ် ။ တပ်ကပဲ အဲ့ဒီအဖွဲ့တွေကို ခရီးဦးကြိုပြုခဲ့သလို ၊ တပ်ကပဲ ပစ္စည်းတွေ လက်ခံရယူခဲ့ပါတယ်။ တရုတ်ဆေးပညာရှင်တွေ လာရောက်တဲ့ ခေါင်းစဥ်ကတော့  " ကိုဗစ်-၁၉ အတွက်လာရောက်ခြင်း ၊၎င်းနှင့်ဆက်စပ်သော ပစ္စည်းများ လှူတန်းခြင်း "ဆိုတဲ့ ခေါင်းစဥ်နဲ့ပါ ။ စိုးရိမ်သံသယဖြစ်မိတာက Sy - 400 ကို လဲလို့ရတဲ့ ထိပ်ဖူးဟာ ဇီဝလက်နက်  ထိပ်ဖူး ဖြစ်နေမှာလားဆိုတာကိုပါ ။)

တတိယအချက်-   

စတင်ဖြစ်ပွားရာ ဝူဟန်မှာ  ရောဂါအရှင်းပျောက်တဲ့အနေအထားလို့  ပြောလို့ရပါတယ် ။ လူစုလူဝေး လုပ်တယ် ၊ ပျော်ပွဲလုပ်တယ်ဆိုတာ အစိုးရရဲ့ခွင့်ပြုချက် မရဘဲ  လုံးဝလုပ်လို့မရပါဘူး ။ အစိုးရက  တရားဝင်  ခွင့်ပြုလိုက်လို့  လုပ်လို့ရတာပါ ။

ဘာကြောင့်ခွင့်ပြုရသလဲ ဆိုတာ  စမ်းစစ်ကြည့်ရအောင်ပါ ။

(  ၁ )အချက် - ဝူဟန်မှာ ရေကြီးနေလို့  ဖြစ်ပါတယ် ။ ရေကြီးမှုအပေါ် အာရုံကျနေတဲ့  လူထုရဲ့  အာရုံကို လွှဲဖို့  ခွင့်ပြုမိန့် ချပေးခြင်းဖြစ်တယ် ။

(  ၂  )အချက် -  အဲ့လို အာရုံလွှဲဖို့လုပ်ခဲ့တယ်ဆိုရင်တောင်  ကိုဗစ်-၁၉ ကပ်ရောဂါအနေအထားဟာ  လုံးဝပြန်မဖြစ်နိုင်ဘူးဆိုတဲ့  ယုံကြည်ချက် တရုတ်အစိုးရမှာအခိုင်အမာ ရှိလို့ ။ တနည်း  သူတို့ရဲ့ကုသဆေးဟာ ပြန်ဖြစ်စရာအကြောင်း လုံးဝမရှိဘူးဆိုတာ အကြွင်းမဲ့ယုံကြည်လို့ ဖြစ်တယ် ။ သဘောကတော့  ရောဂါကိုအကြွင်းမဲ့ ပျောက်ကင်းစေတဲ့ဆေး  သူတို့ပိုင်ဆိုင်ထားပြီးဖြစ်လို့  ဖြစ်တယ် ။

ဒါဆိုရင် ဆက်စဥ်းစားစရာက...

ရေကြီးတယ်ဆိုတာဟာ  တမင်တကာ အပေါ်ရေတားတွေကို ချိုးချခဲ့ပြီး  ဝူဟန်ပိုးကို ဖုံးကွယ်ချင်လို့ ၊ တောင်တရုတ်ပင်လယ်စစ်ရေးတင်းမာမှုကို လျော့ချဖို့ တမင်တကာရေတံခါးဖွင့်ချခဲ့လေသလားကိုပါ ထပ်တွေးဖို့  လိုလာပါတယ် ။

ရေဘေးသင့်နေတဲ့လူထုရဲ့အာရုံကို လွှဲဖို့  ပျော်ပွဲရွှင်ပွဲ  လုပ်ပေးလိုက်တာက သူတို့ဗျူဟာရဲ့ လစ်ဟာမှု  ဖော်ထုတ်သလို  ဖြစ်သွားစေပါတယ် ။

စတုတ္ထအချက်-

 ဒီသတင်းကို  တမင်ဖြန့်ခဲ့လေသလား ??( သို့မဟုတ် )အဲ့လို သတင်းပြန့်အောင် တမင်ဖန်တီးသလားဆိုတာပါ ။

ရုရှားဆိုတာ  ဘာနဲ့ နာမည်ရတာလဲ ၊ ဘာနဲ့ကမ္ဘာကျော်ဖြစ်နေတာလဲ  တချက်တွေးကြစို့ ။

ရုရှားဆိုတာ လက်နက်ထုတ်လုပ်မှုနဲ့  နာမည်ရနေတဲ့တိုင်းပြည် ၊ လက်နက်နှင့်ရေနံရောင်းစားပြီး ချမ်းသာနေတဲ့နိုင်ငံလည်း ဖြစ်တယ်  ၊ ရုရှားရဲ့ အဓိက ထုတ်ကုန်ကလည်း ရေနံ နှင့် လက်နက်ပဲ ၊ ဒါကို တကမ္ဘာလုံးက သိတယ် ။

အဲ့ဒါကို  ဇီဝဗေဒပညာ နှင့် ဆေးပညာမှာ ( ၁ )ပြေးပြီး  ဆေးထုတ်နိုင်တယ်ဆိုတော့ ။သေချာတယ် အပင်းတွေ မကင်းဘူးလို့ ဆိုနိုင်တယ် ။

မနှစ်က ရုရှားဟာ ရွှေတွေတန်ချိန်ချီပြီး  ရောင်းထုတ်ခဲ့တယ် ။ ရေနံထက်တောင်  ဝင်ငွေပိုခဲ့တယ်ဆိုတော့ စဥ်းစားစရာ အရမ်းကောင်းပါတယ် ။  အမေရိကန်-တရုတ်ကုန်သွယ်စစ်တင်းမာမှုမှာ တရုတ်အကြပ်ရိုက်နေတာတောင်  ဝယ်ယူစုဆောင်းထားတဲ့ရွှေချောင်းတွေ ထုတ်ရောင်းတာ မတွေ့တာနဲ့ ဆက်စပ်ရင်  .....

ရုရှားဟာ တဖက်လှည်နဲ့ တရုတ်ရွှေထုတ်ပေးခဲ့သလား ?? အဲ့ဒါက တပိုင်း ။

အပေါ်က မေးခွန်းဖြစ်တဲ့ ဒီသတင်းကို  တမင်ဖြန့်ခဲ့လေသလား ??( သို့မဟုတ် )အဲ့လို သတင်းပြန့်အောင် တမင်ဖန်တီးခဲ့သလားဆိုတာကို ပြန်ကောက်ကြစို့ဦးရဲ့  ...

အဲ့ဒီလို ပျော်ပွဲရွှင်ပွဲလုပ်လို့  ရောဂါပိုးတွေ ကူးကုန်တယ် ၊ အဲ့ဒါကြောင့်  ရုရှားဆီက ကိုဗစ်ကာကွယ်ဆေးကို ဝယ်သုံးမယ် ။ တရုတ်နိုင်ငံသားတွေ ရောဂါပျောက်ကင်းကုန်ကြလိမ့်မယ် ။ရောဂါပျောက်ကင်းမှုကို ကမ္ဘာသားတွေ ယုံကြည်လာမယ် ။အဲ့ဒီမှာ ရောဂါပျောက်ကင်းတဲ့ဆေးကို  ကမ္ဘာကို  ဖြန့်မယ် ။

ရုရှား - တရုတ်ပေါင်းထုတ်တဲ့ ဆေးရောင်းဖို့  ဂွင်ဖန်လေသလားလို့  တွေးစရာလည်း ရှိပါတယ် ။

( တရုတ်ဆေးပညာရှင်တွေက  ရုရှားရဲ့ကိုဗစ်ကာကွယ်ဆေး ထုတ်လုပ်နိုင်ရေးမှာ ကူမယ်လို့သတင်းတက်လာတာကို ထောက်ရှု့သောအားဖြင့် )

စစ် ဖြစ်တော့မလား ??

မဖြစ်တောင်  လားရာက ဘယ်လိုမှ မကောင်းနိုင်တော့ဘူး ။ လက်ရှိအခြေအနေက အမေရိကန်မှာ ဘယ်သူတက်တက် တရုတ်နဲ့ဘယ်လိုမှ  ရင်ကြားစေ့လို့မရနိုင်တဲ့အနေအထား တစ်ရပ်ကို တွန်းပို့လိုက်သလို  ဖြစ်သွားပြီ ။

အမေရိကန် ၊ တက္ကဆက်အထက်လွှတ်တော်အမတ် Ted Cruz သည် နှစ်နိုင်ငံနှင့်သူတို့၏မဟာမိတ်များအကြားပဋိပက္ခသည် လာမည့်ရာစုနှစ်အတွင်းဆက်လက်တည်ရှိနေနိုင်ကြောင်း သတိပေးပြောကြားထားတာမကြာသေးပါဘူး ။ နောက်ပြီးတော့ အထက်လွှတ်တော်အမတ် Cruz က“ တရုတ်နဲ့အမေရိကန်ဟာ ကျွန်တော်တို့ရဲ့ပထဝီနိုင်ငံရေးအရအကြီးမားဆုံးခြိမ်းခြောက်မှုတစ်ခုဖြစ်တယ်လို့ ဆိုပါတယ် ။

ဒါကြောင့်  လွယ်လွယ် ၊ ခပ်ပေါ့ပေါ့နဲ့ ပြီးသွားမဲ့ပွဲမဟုတ်ဘူးဆိုတာ သိနိုင်ပါတယ် ။

ပဉ္စမအချက်-

အမေရိကန်ဟာ  တရုတ်ရဲ့ဇီဝလက်နက်ဆိုတာ သိရက်နဲ့ ဘာကြောင့် ချက်ချင်း  မတုန့်ပြန်သလဲဆိုတာပါ ။

ဆိုကြပါစို့ ...

တရုတ်ဟာ ဇီဝလက်သုံးတဲ့  နိုင်ငံဆိုပါတော့ ။

ဒါဆိုမိတ်ဆွေလည်း  သိပြီးသားဖြစ်ပါလိမ်မယ်၊ ဇီဝလက်နက်ပိုင်ဆိုင်ထားတဲ့  နိုင်ငံဟာ ဘယ်လောက် အန္တရာယ် ကြီးတယ် ဆိုတာကိုပေါ့ ။

အဲ့လိုအနေအထားမှာ  သိမ်မွေ့စွာ ကိုင်တွယ်နိုင်ဖို့လိုပါတယ် ။ စစ်ရေးမှာ တတိယအင်အားကြီးနိုင်ငံလည်း  ဖြစ်တယ်  ၊ ဇီဝလက်နက်လည်း ပိုင်ဆိုင်ထားတယ် ၊ လူစိတ်လည်း  မရှိဘူးဆိုရင်  အကြမ်းကိုင်တဲ့  နည်းကို ရှောင်ရမှာ  ဖြစ်ပါတယ် ။ 

အကြမ်းကိုင်တဲ့နည်းဟာ  ချောင်ပိတ်သလိုဖြစ်ပြီး  သူ့ဆီမှာ ရှိတဲ့ ဇီဝလက်နက်တွေ ထုတ်သုံးပြီး  ကမ္ဘာသူကမ္ဘာသားတွေရဲ့ အန္တရာယ်ကို ထပ်မံခြိမ်းခြောက်လာနိုင်တာမို့လို့  ဖြစ်ပါတယ် ။

ဒါကြောင့် တဖြည်းဖြည်းချင်း ဝိုင်းဝန်းပိတ်ဆို့တဲ့နည်းကို သုံးတာလည်း ဖြစ်ပါတယ် ။

ဒါကြောင့် ပထမဆုံးအနေနဲ့  အသိမ်မွေ့ဆုံးနည်း ဖြစ်တဲ့ လျော်ကြေးတောင်း အစီအစဥ်နဲ့  တရုတ်ရဲ့ သဘောထားကို တီးခေါက်ကြည့်တာလည်း ဖြစ်ပါတယ် ။တရုတ်ဟာ လျော်ကြေးတောင်းအစီအစဥ်ကို လုံးဝပယ်ချခဲ့တာကြောင့်  သူရဲ့စိတ်အခံကို  အမေရိကန်နှင့်သူ့ရဲ့မဟာမိတ်တွေဟာ မှန်းဆနိုင်ပြီ ဖြစ်ပါတယ် ။

အဲ့လိုမှန်းဆနိုင်ပြီ ဖြစ်တာကြောင့်  နောက်တစ်ဆင့်ဖြစ်တဲ့  သိမ်မွေ့စွာ ချင်းကပ်ချင်းအပိုင်းကို  သွားတာ ဖြစ်ပါတယ် ။

( ကျနော်မှန်းမိသလောက်ကတော့ အမေရိကန်နှင့်သူ့မဟာမိတ်နိုင်ငံတွေရဲ့  ခေါင်းဆောင်တွေဟာ တရုတ်ရဲ့ဇီဝလက်နက်ဆိုတာ အပိုင်သိပြီး  ဖြစ်ပါလိမ့်မယ် ။ဒါကြောင့်  တောင်တရုတ်ပင်လယ် စစ်ရေးလေ့ကျင့်မှုမှာ  အကြွင်းမဲ့ သံသယမရှိ  ဒေါ်လာထွီလီယံချီသုံးဆွဲ၍ ပူးပေါင်းပါဝင်ခြင်းဖြစ်မယ်လို့ မှန်းတယ် )

ဆဌမအချက်-

၂၀၂၀ ခုနှစ် ဇွန်လတုန်းက  ထရန့်က ခုလိုပြောခဲ့တယ်  မင်းတို့ စမ်းသပ်မှုတွေ တအားလုပ်တော့  ရောဂါပိုးတွေ တအားတွေ့တာပေါ့တဲ့ ။

အမေရိကန်ပြည်တွင်းက လောက်တွေကို  စောင်းပြောတာ ဖြစ်သလို  ၊ တရုတ်ကို  စောင်းပြောတာလည်း  ဖြစ်တယ် ။ တရုတ်မှာ  အမေရိကန်လို  အဲ့လောက်စစ်နေတာ  မဟုတ်ဘူး ။ 

ဘာရောဂါပိုးမှ  ကြီးကြီးကျယ်ကျယ် ထပ်မဖြစ်သလို ဘာရောဂါမှလည်း အကြီးအကျယ်မဖြစ်ဘူး ၊ အမေရိကန်ထက် လူဦးရေများပေမဲ့ ဘာမှလည်း  အမေရိကန်လို  အသေအပျောက် ၊ အကူးအစက် မများခဲ့ပါဘူး ။ 

ဒါကြောင့် ထရန့်ဟာ တရုတ်ဆီမှာ  ဆေးရှိတယ်လို့  သွယ်ဝိုက်ရည်ညွှန်းချင်တာ  ဖြစ်ပါတယ် ။

နောက်တစ်ခုကတော့  ကိုဗစ်-၁၉ ကိန်းဂဏာန်းမြင့်တက်မှုတွေနဲ့  အမေရိကန်ရဲ့စီးပွားရေးကို ဆွဲချချင်တဲ့ အမေရိကန်ပြည်တွင်းလောက်တွေကို  ပြောချင်တာဖြစ်ပါတယ် ။

အမေရိကန်ပြည်သူ တစ်သိန်းကျော်သေထားတာဆိုတော့  သေချာတာကတော့  ကမ္ဘာမကျေလောက်ပါဘူးခင်ဗျာ။အပေါ်ယံသာ ရူးသလိုလို  ပေါသလိုလို  လုပ်နေတာ ။ ထရန့်ဟာ ဟန်ဆောင်ကောင်းတဲ့  စီးပွား-နိုင်ငံရေးသမားပါ ။ ပညာရှိအမျက် အပြင်မထွက်တဲ့သဘောလို့သာ မြင်မိပါတယ် ။ 

လစာမယူဘဲ  သမ္မတ လုပ်တဲ့ ပုဂ္ဂိုလ်ပါ ။ ဟိုတလောကတောင် သူ့လစာတွေလှူနေတာ တွေ့မိပါသေးတယ် ။ တနေ့ကို နာရီ (  ၂၀ )အလုပ် လုပ်နေတယ်တောင် ဆိုပါတယ် ။ သူအအလုပ်လုပ်သလား/မလုပ်သလားကတော့ တက်လာတဲ့ကမ္ဘာ့သတင်းတွေကို  ဖတ်ကြည့်ရင်  သိသာပါတယ် ။အကြောင်းအရာပေါင်းစုံ ကဏ္ဍစုံမှာ  သူပါဝင်ပက်သက်နေတယ် ။

(သို့သော်....အမေရိကန်မှာတော့ ဒေါ်နယ်ထရန့်ဟာ တကွင်းလုံး ပတ်ကန်နေတယ်လို့ပြောပြီး  စကားနာထိုးမဲ့သူတော့ မရှိဘူးခင်ဗျ😛)

သတ္တမအချက်-

တချို့သောသူတွေ ခဏခဏလို  လာလာမေးတတ်ကြတယ် ။

မြန်မာစစ်အာဏာရှင်တွေ ဘာဖြစ်မှာလဲ ??

ခြေဥပြင်နိုင်မှာလား ??

NLD နိုင်မှာလား ??

တရုတ်ကြီး ဘာဆက်ဖြစ်မလဲ ??

(၄၅)ဦးကော်မတီဖွဲ့ပြီး ၂၀၀၈ အခြေခံဥပဒေပြင်ဆင်ရေးမတိုင်ခင်ကတည်းက မိမိဝေဖန်ခဲ့ပြီး  ဖြစ်ပါတယ် ။ အဲ့တုန်းက ဝေဖန်ခဲ့သလို  လက်ရှိမှာလည်း  ဖြစ်လာခဲ့ပါတယ် ။

အဲ့တုန်းကလည်း -

( ၁ ) တပ်မတော်ထိပ်တန်းခေါင်းဆောင်တွေဖက်က ပြည်သူ့ဆန္ဒကို လိုက်လျောပြီး ပြင်ပေးလိုက်ဖို့နဲ့ 

 (  ၂ ) လွှတ်တော်လမ်းကြောင်းသည်သာ အဖြစ်နိုင်ဆုံးနှင့် အန္တရာယ်အကင်းဆုံးလမ်းကြောင်းလို့  တိုက်တိုက်တွန်းတွန်း ကျနော် ဝေဖန်ရေးသားခဲ့ပါတယ် ။

သို့ပေမဲ့  တပ်မတော်ထိပ်တန်းခေါင်းဆောင်တွေ ဖက်က ခြေဥပြင်ဆင်ရေးနဲ့ပက်သက်လို့ လုံးဝပြည်သူဖက်ကို ငဲ့မကြည့်ခဲ့ပါဘူး ။

ဒေါ်အောင်ဆန်းစုကြည်ဟာ တပ်မတော်ထိပ်တန်းခေါင်းဆောင်တွေအတွက်  ထွက်ပေါက်ကို အကြိမ်ကြိမ်ပြပေးခဲ့သလို ၊ တပ်မတော်ထိပ်တန်းခေါင်းဆောင်တွေကို ပြည်သူနဲ့ရင်ကြားစေ့ဖို့ ၊ တိုင်းရင်းသားလက်နက်ကိုင်ခေါင်းဆောင်တွေနဲ့ပြည်သူအကြား ရင်ကြားစေ့ဖို့ အကြိမ်ကြိမ်ကြိုးစားခဲ့ပါတယ် ။

ဒါကြောင့်  ဒေါ်အောင်ဆန်းစုကြည်ဟာ ခေါင်းဆောင်ကောင်းတစ်ယောက်အနေနဲ့ အများကြီး တာဝန်ကျေခဲ့ပါတယ်လို့  ဆိုချင်တယ် ။

အဌမအချက်-

နောက်တစ်ချက်ထပ်ပြီးတွေးဆစရာရှိတာက -

တရုတ်ဟာ သူ့နိုင်ငံကို ကာကွယ်ဖို့  မြန်မာ ၊ ထိုင်းနှင့် ဗီယက်နက်တို့ကိုတောင် ရှေ့တန်းစစ်မျက်နှာ  စစ်တလင်းအဖြစ် အသုံးချလာနိုင်ဖွယ်ရာရှိပါတယ် ။

အမေရိကန်ကလည်း  တရုတ်ရဲ့အဲ့လိုရွေ့ကွက်တွေကြိုမြင်လို့  မြန်မာ့အချုပ်အခြာကို ကာကွယ်ရမယ်လို့  ဆိုလာခဲ့သလို  ထိုင်းနှင့်အမေရိကန် စစ်ဘက်  နှစ်ရပ်ကြားပူးပေါင်းဆောင်ရွက်ရေး စာချုပ်ထားခဲ့ပါတယ် ။

မြန်မာတပ်က တရုတ်ဖက်ယိမ်းလွန်းနေတာကြောင့်  သာ မြန်မာနှင့်အမေရိကန် စစ်ဘက်နှစ်ရပ်ကြား ပူးပေါင်းဆောင်ရွက်ရေးစာချုပ် မချုပ်ဆိုခဲ့ခြင်း  ဖြစ်ဟန်ရှိပါတယ် ။ မဟုတ်ရင်  ထိုင်းနိုင်ငံလိုမျိုး မြန်မာနိုင်ငံနဲ့လည်း စာချုပ်ရေးထိုးမည့်ဟန် ရှိပါတယ် ။

တရုတ်က သူနိုင်ငံကို ထွက်ပေါက်ပေးနိုင်တဲ့ မြန်မာနိုင်ငံကို လက်မလွတ်နိုင်ဖြစ်နေရတယ် ။ ထွက်ပေါက်ဆိုတာထက်ကို ပိုပါတယ် ၊ တရုတ်ပြည်အတွက် မြန်မာဟာ အိမ်ရှေ့တံခါးမကြီးပဲ ။

ဒါကို သိတဲ့ အမေရိကန်ဟာ တရုတ်ရဲ့ ပထဝီနိုင်ငံရေးကို တန်ပြန်ချုပ်ဖို့  တရုတ်ဖက်ယိမ်းနေတဲ့မြန်မာစစ်ခေါင်းဆောင်တွေကို  အနေအထိုင်မတတ်ရင်  သတ်ဖျက်ဖို့ ဝန်လေးနေမှာ  မဟုတ်ပါဘူး ။

ကမ္ဘာ့ခေါင်းဆောင်တွေဟာ စစ်ရေး/နိုင်ငံရေးကိစ္စအဝဝအား တွက်ချက်ပြီးလောက်ပြီ ဟု မိမိယူဆမိပါ သည် ။ စစ်ပဲ  ဖြစ်ဖြစ်/မဖြစ်ဖြစ် အာဏာရှင်စနစ် ပျက်သုန်းမှာကတော့   သေချာသလောက်ဖြစ်ပါတယ် ။ 

ပြည်သူတွေအဖို့ကတော့  သန်းခေါင်အပြင်ညည့်မနက်တော့ဟု  ထင်ပါတယ် ။မြန်မာ့ဒီမိုကရေစီ နောက်ပြန်လန်ကျရင် စစ်အုပ်ချုပ်ရေး  ပြန်သွားရမည်ဖြစ်ပြီး အာဏာရှင်တွေဖက်က အဲ့ဒီလိုမိုက်ရူးရဲလုပ်ပြီး ရှေ့ဆက်တိုးဆိုးလျှင် စစ်မီးတောက်အကြားမှ ဒီမိုကရေစီ ဖူးပွင့်နိုင်ချေ ရှိသေးသည် ။ ထိုသို့မဟုတ်ဘဲ သိမ်သိမ်မွေ့မွေ့ပြီးဆုံးသွားလျှင်ကား မြန်မာပြည်အတွက် သာ၍ကောင်း၏ ။

တရုတ်၏စစ်မီးသည် မြန်မာအား အဖျားခတ်နိုင်သည်ကို  မိမိကြိုတွက်ထားမိသည် ။

တရုတ်၏သွေးထိုးမှုဖြင့် တပ်နှင့် တိုင်းရင်းသားလက်နက်ကိုင်တွေ ပေါင်းပြီး  အတင်းရုန်းကန်နိုင်ဖွယ်ရှိသည်ဟုလည်း  မှန်းထားခဲ့မိပါတယ် ။ 

တရုတ်၏စနက်ဖြင့် တိုင်းရင်းသားလက်နက်ကိုင်တွေ မြို့ပေါ်တက်သောင်းကြမ်းမည့်အရေးမှာ တပ်နဲ့ပဋိပက္ခဖြစ်ပြီး  လုပ်ပွဲပြည်တွင်း စစ်မီးကြီး မွေးနိုင်ဖွယ်ရာရှိသည်ဆိုသည့်အချက်အား ကြိုတင်တွက်ဆထားရမည့် အချက်ထဲက တစ်ခုလည်းဖြစ်ပါတယ် ။( မြောက်ပိုင်းမဟာမိတ်အဖွဲ့တွေက ပြင်ဦးလွင်အား ဝင်ရောက်ပစ်ခဲ့သည်က အကောင်းဆုံး သာဓကဟုဆိုလျှင် မှားအံ့နည်း)  ပြည်သူတွေ စိုးရိမ်ထိန့်လန့်မည်စိုး၍သာ  မရေးပဲ ချန်လှပ်ထားခဲ့တာမျိုးပါ ။ ဗူးပေါ်သလို  မကြာခင်  အကုန် ပေါ်လာကုန်တော့မှာပါ ။

တပ်နှင့်တိုင်းရင်းသားလက်နက်ကိုင်တွေကို ဟန့်တားဖို့ရာ အစိုးရမှာ ဘာအခွင့်အာဏာမှ  မရှိပါဘူး ။

သို့အတွက်ကြောင့်  အမေရိကန်ဟာ တရုတ်ရဲ့လက်တံတွေဖြန့်ကျက်ကစားလာနိုင်တဲ့ အဲ့လိုအခင်းအကျင်းကို ကြိုတင်ဟန့်တားနိုင်မလားပဲ တွေးစရာ  ရှိပါတယ် ။ ကြိုတင်ဟန့်တားနိုင်ရင်တော့  မြန်မာပြည်သူတို့အဖို့  သက်သာဖွယ်ရာဖြစ်ပါမယ် ။

 

တရုတ်ဟာ မြန်မာအပေါ်နင်းပြီး  ရယူထားတဲ့  ပထဝီနိုင်ငံရေးအားသာချက်မဟာဗျူဟာကို  ချေဖျက်မဲ့အမေရိကန်ရဲ့နည်းလမ်းဟာ ဘာဖြစ်မလဲ ???

နဝမအချက်-

တကယ်လို့ ကြိုတင်မဟန့်တားနိုင်ခဲ့ရင် -

တကယ်လို့  သူတို့ပေါင်းပြီး  ပြည်သူအစိုးရကို ဖြုတ်ချဖို့ ( သို့ ) ကာလုံ မခေါ်ခေါ်အောင် ဖိအားပေးဖို့  Civil War  လုပ်လေလျှင်လည်း အမေရိကန်က  ပိုကြိုက်လေ  ဖြစ်မည်။

ကမ္ဘာ့အရေး/မြန်မာ့အရေး ချိတ်ဆက်တွေးရရင်လည်း မြန်မာပြည်မှာ  အမေရိကန်စီးပွားရေး  အင်မတန်နည်းပါးပါတယ် ။ သူ့ဆွေမျိုး တစ်ယောက်မှ  မြန်မာပြည်မှာ မရှိပါဘူး ။

နိုင်ငံရေးသဘောတရားအရ ၊ ရွေကောက်ပွဲလမ်းကြောင်းအရ ၊ လွှတ်တော်လမ်းကြောင်းအရ လုံးဝရှင်းမရတဲ့ အခြေအနေရောက်ရင်  အမေရိကန်ဟာ  မြန်မာကို လူ့အခွင့်အရေးလမ်းကြောင်းကနေ ချဥ်းကပ်ပြီး ဆွဲစေ့နိုင်ဖွယ်ရာ ရှိပါတယ် ။

အာဏာရှင်တွေ အတင်းရုန်းလေ  အမေရိကန်ဆွဲစေ့တာခံရဖို့  နီးလေဖြစ်ဖွယ်ရှိပါတယ် ။

သို့အတွက်ကြောင့် ခုလိုချိန်မှာတော့ ... ပြည်သူ့အစိုးနှင့် ပြည်သူတွေဟာ  ဖြစ်လာသမျှအကြောင်း အကောင်းချည်းလို့သာ  မမှတ်ကြပဲ  အသိမ်မွေ့ဆုံးလမ်းကို အာဏာရှင်တွေရွေးချယ်နိုင်အောင် ဆောင်ကြည်းဖို့ လိုအပ်ပါတယ်လို့  ဆိုပါရစေ ။

ပြည်သူ့အစိုးရရော ၊ ပြည်သူတွေက ဒီလောက်တိုက်တိုက်တွန်းတွန်း လမ်းပြပေး ၊ ထိန်းကြောင်းပေးနေတဲ့ကြားက အာဏာရှင်တွေဟာ လူမိုက်တို့သွားရာလမ်းကို  အကြိုက်ရွေးခဲ့မယ်ဆိုရင်တော့ဖြင့် ဖြစ်သမျှအကြောင်း အကောင်းလို့သာ မှတ်ယုံ  ရှိပါတော့တယ် ။

myanmar society🇲🇲

ကမ္ဘာ့အရေး/မြန်မာ့အရေးတွေအပေါ်မှာ ယူဆချက်အမျိုးမျိုး ကွဲပြားနိုင်ပါတယ် ။ မိမိယူဆချက်ကမှ  အမှန်ဆိုပြီး  ရေးသားတင်ပေးတာလည်း  မဟုတ်ပါဘူး ။ မိမိရေးသားလိုက်သော ယူဆချက်နှင့် စာဖတ်သူဆီမှာရှိသော အခံဗဟုသုတ၊အမြင်တို့ ပေါင်းစပ်ပြီး  ပိုမိုကောင်းတဲ့အမြင်တစ်ခု ဖြစ်ရန်အတွက်ဟူသော ခံယူချက်ဖြင့်ရေးသားနေခြင်းသာဖြစ်ပါတယ် ။

မြန်မာပြည်သူပြည်သားအားလုံး ဘေးဘယာဝေးကွာ ၊ ကိုယ်စိတ်နှစ်ဖြာ ကျန်းမာ ချမ်းသာကြပါစေလို့ မေတ္တာပို့သလျှက် ~~