တရုတ်ပြည်မကြီးဟာ သူ့ရဲ့နောက်ဆုံးကစားကွက် ထုတ်သုံးတော့မည်လား
တရုတ် ၊ SAC-M ၊ UN ၊ ARSA ၊ စစ်ကောင်စီ ၊ ရိုဟင်ဂျာ ၊ ဘင်္ဂလားဒေ့ရှ် ၊ OICs နှင့် ဒီမိုကရက်လွှတ်တော်အမတ်တချို့နဲ့ ICC ၊ ICJ အကြောင်းပြုကာ ကစားမဲ့ဟန်တွေ၊အရိပ်အခြေအနေ တွေ့နေရတယ် ။
အရင်ကလည်း တရုတ်ရဲ့လက်တံတွေဟာ ဒီမိုကရက်အောက်လွှတ်တော် ၊ အထက်လွှတ်တော်အထိပေါက်ရောက်ကြောင်း အကြိမ်ကြိမ်ရေးခဲ့ပြီးပါပြီ ။ ခုလည်း ဒီမိုကရက်အောက်လွှတ်တော်အမတ်က NUG ကို ရိုအရေးကြောင့်အသိအမှတ်မပြုနိုင်ဘူးတွေ ၊ R2Pက အဲ့ဒါကြောင့် မဝင်နိုင်ဘူးတွေ လေသံပစ်နေလာနေတယ် ။ ရိုအရေးဖျာခင်းသူတွေကလည်း ၁၉၉၃ ၊ ၁၉၈၂ ဥပဒေတွေ ပြန်ပြင်ပစ်ရမယ်တွေ လေသံတွေ ပစ်နေကြပါတယ် ။ အဲ့ဒီဥပဒေတွေမရှိမှ သူတို့အတွက် ရပေါက်ချောင်မလိုဖြစ်နေတာကိုးဗျ ။ ကုလတပ်တွေဟာ ဘင်္ဂလားဒေ့ရှ်ကို ရောက်နေတယ်လည်းဆိုနေပြန်တော့ ... 🤔
ရခိုင်ပြည်ကို ချည်တုပ်ချင်နေတာ အရမ်းသိသာပါတယ်😌 ။
SAC-M နှင့် ဘင်္ဂလားဒေ့ရှ်တို့ရဲ့ ICJ ၊ ICC လမ်းကြောင်းလို့ဆိုနိုင်တယ် ။ နောက်ကွယ်က ကြိုးကိုင်တရုတ် 🙂 တကယ်က ICC လမ်းကြောင်းကို သူတို့က ရွေးစေချင်နေကြတာ ။ ဒါမှာ သူတို့ဂွင်ထဲရောက်ပြီး မြန်မာကို စိတ်ပြေနပြေ အမဲဖြတ်လို့ ရနိုင်မှာပေကိုး ။
Ted Lieu က အသစ်ဖွဲ့တဲ့ အစိုးရအဖွဲ့မှာ ရိုဟင်ဂျာကို မပါရကောင်းလားဆိုပြီး မျက်ရည်ခံထိုးသယောင်နဲ့ လာခြိမ်းခြောက်နေတယ် ။ ရိုဟင်ဂျာထက်ရင်းတဲ့ သွေးချင်းညီနောင်တိုင်းရင်းသားလူမျိုးစုံတောင် အစိုးရသစ်ဖွဲ့တဲ့အထဲ မပါခဲ့ပါဘူး ။ လူမျိုးတစ်မျိုးကို ၁ ယောက်နှုန်းခန့်ရရင် အစိုးရအဖွဲ့ရဲ့လူဦးရေဖောင်းပွဖို့ပဲ ရှိပါတယ် ။ ရှမ်းလူမျိုးကွဲတင် ၃၀ ကျော်လောက် ရှိပါတယ် ။ ကျန်တဲ့ ပြည်နယ်နှင့်တိုင်းတွေမှာ လူမျိုးကွဲများစွာ ကျန်ပါသေးတယ် ။ သဘောက ရခိုင်မြေကို ချီတုပ်ချင်တဲ့ ရိုအရေးနဲ့လုပ်စားနေတဲ့သူတွေရဲ့ ဖျာခင်းအကွက်တွေပါ ။
ရခိုင်အရေးမှာ ရိုဟင်ဂျာ ၂၅၀၀၀ ကျော် သေတယ် ၊ ၁၈၀၀၀ ကျော်မုဒိန်းအကျင့်ခံရတယ်ဆိုပဲ ပြောလိုက်တဲ့ စာရင်းကြီးက ရခိုင်မှာ စေခိုင်းခံခဲ့ရတဲ့ တပ်ရင်း၊တပ်မတောင်မှရှိလှ ထောင်ဂဏာန်းဝန်းကျင်လောက်ပဲ ရှိမှာပါ ။ မုဒိန်းမှုတွေ ဖြစ်နိုင်ပါတယ် ။ ၁၈၀၀၀ မုဒိန်းကျင့်တယ်ဆိုတာ ဘယ်လိုမှမဖြစ်နိုင်ပါဘူး။ စစ်သား ၁ ယောက်က ရိုဟင်ဂျာမ အယောက် ၅၀ လောက်ကျင့်ရမည့် ပုံတွေ ဖြစ်နေတယ် ။ အကိုးအကားမပါတဲ့ ကိန်းဂဏာန်းပြောဆိုမှုတွေပါ ။
AA နှင့် အာဏာသိမ်းစစ်ံကောင်စီ ( ၅ ) နှစ်စာ စစ်ဖြစ်တော့ ရပ်ရွာတွေထဲထိ အမြောက်နဲ့ထု ၊ လေယာဥ်နဲ့ ဗုံးကျဲခံခဲ့ရတာ အဲ့လောက်ပမာဏမသေခဲ့ပါဘူး ။ ရိုဟင်ဂျာ အသတ်ခံရတဲ့ ပမာဏဟာ ရာဂဏာန်းသာရှိပါတယ် ။
အင်းဒင်နှင့်ဂူတာပြင်အမှုမှာ ရိုဟင်ဂျာ ရာကျော်သတ်ခဲ့တယ်ဆိုတာလောက်ပဲ အတည်ပြုနိုင်ခဲ့တာပါ ။ ကျန်တဲ့ဟာတွေအတွက် သက်သေသက်ကာရ မပြနိုင်ခဲ့ပါဘူး ။ ဥပဒေကြောင်းအရ သွားမယ်ဆိုရင် သက်သေသက်ကာရ လိုပါတယ် ။ ရမ်းသမ်းပြောလို့ရနိုင်တာမျိုးတော့ မဟုတ်ပါဘူး ။
မြန်မာပြည်ကနေ ထွက်ပြေးသွားရတဲ့ ရိုဟင်ဂျာ အရေအတွက် စုံစမ်းရေးကော်မရှင်ရဲ့ စာရင်းတွေအရ တမျိုး ၊ ICJ မှာ ဂမ်ဘီယာချေပချက်မှာ ပြောတဲ့စာရင်းတမျိုး ၊ အရပ်ပြောက တမျိုး ဖြစ်နေခဲ့တာပါ ။ ပျမ်းမျှအားဖြင့် ထွက်ပြေးသွားသူဦးရေဟာ ၇ သိန်းဝန်းကျင်သာ ရှိတယ်လည်း ဆိုတယ် ။ ၂ သိန်းဟာ ဟိုဖက်ရောက်မှ မွေးဖွားသူ ။ အချုပ်အားဖြင့် ၁.၁ သန်းလို့ ဆိုနေပြန်တယ် ။ အဲ့ဒါကလည်း ဘင်္ဂလားဒေ့ရှ်ကပြောတဲ့စာရင်းပဲ ရှိတာ ၊ မြန်မာပြည်ဖက်က စာရင်းက အဲ့လောက် ရှိချင်မှ ရှိလိမ့်မယ် ။ တကယ့်တကယ် မြန်မာနိုင်ငံမှာနေခဲ့ကြောင်းသက်သေထွက်ဆိုနိုင်သူ ၊ သက်သေပြနိုင်လို့ပြန်လာနိုင်သူဟာ ဘင်္ဂလားဒေ့ရှ်က ပြောတဲ့ပမာဏထက်အများကြီးနည်းနေတာကိုလည်း တွေ့ရပါတယ် ။ သို့ပေမဲ့ ဘင်္ဂလားဒေ့ရှ်က ၂ သန်း ပြန်လက်ခံပေးစေချင်နေတယ် ။ ရှင်းရှင်းပြောရရင် ကော့ဘဇာမှာ ရှိတဲ့ ရိုအားလုံးကို မြန်မာပြည်ကို သွပ်သွင်းချင်နေပုံပဲ ။ တလောက အိန္ဒိယ ကတ်ရှ်မီးယားဒေသမှာ ရှိတဲ့ လူတွေကိုတောင် မြန်မာပြည်က ရိုတွေထိန်းသိန်းထားရပါတယ်လို့ အိန္ဒိယက ပြောချင်လာတယ် ။ မဏိပူရ ၊ အာသံမှာ ရှိတဲ့ ခိုးဝင် ဘင်္ဂလီတွေကို ရိုလို့ လက်ညှိုးထိုးချင်နေကြတယ် ။ တကမ္ဘာလုံးက ကိုယ့်ကိုယ်ကို ရိုလို့ခံယူထားသူစုစုပေါင်းရင် ( ၅ ) သန်းအကျော်ဖက်မှာ ရှိပါတယ် ။ အဲ့ဒါတွေအားလုံးကို မြန်မာဖက်တွန်းပို့ချင်နေတဲ့အနေအထားတွေ ဖြစ်နေတယ် ။ တခြားသော မျိုးနွယ်တွေတောင် ရိုဟင်ဂျာ အယောင်ဆောင်ပြီး အခြေချလာနိုင်တာတွေ ထည့်တွေးရင် အတော်ရှုပ်လှတဲ့အနေအထားဖြစ်ပါတယ် ။
အရင်ဒေါ်အောင်ဆန်းစုကြည်ခေါင်းဆောင်တဲ့အစိုးရကလည်း ဥပဒေကြောင်းအရ ပြန်လည်စီစစ်လက်ခံမယ်ဆိုပြီး ပြန်ခေါ်ခဲ့ပါတယ် ။ နိုင်ငံသားဖြစ်ခွင့် ၊ ပြန်လည်အခြေချခွင့်ကို ဥပဒေနဲ့အညီလက်ခံမယ် ပြောခဲ့ပြီးသားပါ ။ သို့ပေမဲ့ ဘင်္ဂလားဒေ့ရှ်ဖက်က ဘာမှမစီစစ်ပဲ အကုန်ရောပြွန်းလက်ခံစေချင်တဲ့ ပုံမျိုးပါ ။
ရိုဟင်ဂျာအရေးအခင်းဟာ
နွေဦးတော်လှန်ရေးမှာ သေတဲ့ လူဦးရေထက်အများကြီးနည်းပါတယ် ။ တနိုင်ငံလုံးမှာရှိတဲ့ စစ်ကောင်စီတပ်တွေ တပြည်လုံးကဆန္ဒပြနေတဲ့သူတွေကို ဥပဒေမဲ့သတ်တာ၊ဖမ်းတာတောင် ( ၃ ) လတာကာလမှာ သေဆုံး ၈၀၀ နီးပါး (တချို့က ၁၀၀၀ ဝန်းကျင်ရှိနိုင်ဟုခန့်မှန်း) အဖမ်းခံရသူ ၄၈၀၀ ကျော်ပဲ ရှိပါတယ် ။
ဦးကျော်မိုးထွန်းကို Rep.Brad Sherman က တွေ့ဆုံမေးမြန်းတဲ့ ကိစ္စဟာလည်း သက်သက် အပုတ်ချချင်လို့ ဖိတ်ခေါ်အကွက်ဆင်ပြီး လံကြုပ်တာပါ ။ အသိသာကြီးပါ ။
လက်သည်ဖြစ်တဲ့ စစ်ကောင်စီကို အပြစ်မပြောဘဲ NUG အစိုးရကို အပြစ်ပြောတာဟာ မြန်မာတနိုင်ငံလုံးကို ထိုးနှက်ချင်လို့ဆိုတာ ပေါ်လွင်လှပါတယ် ။
ဒေါ်အောင်ဆန်းစုကြည်ခေါင်းဆောင်းခဲ့တဲ့အစိုးရအဖွဲ့ကိုလည်း ကမ္ဘာက အကြည်အညိုပျက်/နာမည်ပျက်ရပြီး ကမ္ဘာ့နိုင်ငံရေးစင်မြင့်ရော ၊ မြန်မာ့နိုင်ငံရေးစင်မြင့်ပေါ်ကနေ ဆင်းသွားရအောင် ဘင်္ဂလီအရေးအခင်းနဲ့ မီးမွှေးခဲ့တဲ့လက်သည်ဟာ တရုတ်ပြည်မကြီး နှင့် စစ်ကောင်စီပါပဲ ။
လက်ရှိ NUG အစိုးရကိုလည်း တကျော့ပြန် ဘင်္ဂလီအရေးနဲ့အပုတ်ချချင်နေတာပါ ။ တရုတ်ပြည်မကြီးရဲ့လက်ပါးစေ စစ်ကောင်စီအတွက် သူရဲ့လက်တံဒီမိုကရက်အမတ်တွေကတဆင့် အစိုးရသစ် NUG ကို အပုတ်ချပေးတဲ့ သဘောမျိုးပါ ။
ကနဦးတုန်းက တရုတ်စေ့ဆော်သောအာစီယံဆွေးနွေပွဲဆုံးဖြတ်ချက်ကိုတောင် စစ်ကောင်စီက မလိုက်နာနိုင်ပါဘူးတွေ လုပ်နေရာကနေ လက်ရှိမရှု့မလှအရေးနိမ့်လာချိန်မှာ အာစီယံအစည်းအဝေးရဲ့ဆုံးဖြတ်ချက်အတိုင်း လိုက်နာပါမယ်ဆိုတဲ့ လေသံပစ်လာနေရပါပြီ ။ အာစီယံအစည်းအဝေးဆုံးဖြတ်ချက်ဆိုတာ တရုတ်ပြည်မကြီးက စစ်ကောင်စီရဲ့အာဏာသိမ်းကာလကို ဆွဲဆန့်ပေးတဲ့ ဗျူဟာတစ်ခုထက်မပိုပါဘူး ။
ဂျာကာတာမှာ ကျင်းပတဲ့ အာစီယံထိပ်သီးအစည်းအဝေးကို အေးရာအေးကြောင်းသွားပြီး ပြန်လာနိုင်တဲ့ အကြမ်းဖက်ခေါင်းဆောင်မင်းအောင်လှိုင်ဟာ တရုတ်ပြည်မကြီးရဲ့အသက်ဘေးကင်းကြောင်းထောက်ခံမှုမပါရင် မသွားရဲတာ အသိသာကြီးပါ ။
ခုနောက်ပိုင်း ကုလသမဂ္ဂရဲ့အသုံးမကျပုံတွေကို အမေရိကန်နိုင်ငံခြားရေးဝန်ကြီး အန်တိုနီဗလင်ကန်ကတောင် သတိပေးယူရတဲ့အဆင့်ထိ ကုလသမဂ္ဂဟာ အကျင့်ပျက်ချစားမှု ဖြစ်နေခဲ့တာပါ ။
တရုတ်ပြည်မကြီးကိုလည်းပြောချင်တာက ရိုအရေးနဲ့ ထပ်ကစားမယ်ဆိုရင်လည်း ဝိဂါမူစလင်လူမျိုးတုန်းသတ်ဖြတ်မှုတို့ ၊ ကွန်မြူနစ်ဝါဒမယုံကြည်တဲ့ ဝိဂါမူစလင်တွေကို ပြန်လည်ပြုပြင်ထိန်းရေးစခန်း ပို့တာတို့ ၊ လူမဆန်အောင် ညှင်းပန်းသတ်ဖြတ်တာ ၊ လှောင်ချိုင့်ထဲမှာ ခွေးတွေလိုထားတာတို့ ၊ လုပ်အားကို မတရားရယူစေခိုင်းတာတို့ ၊ သားကြောဖြတ်မျိုးဆက်မပြန့်ပွားနိုင်အောင်လုပ်တာတို့ ၊ ဝိဂါမူစလင်ခလေးငယ်တွေကို မိခင်တွေနဲ့ခွဲခိုင်းပြီး ကွန်မြူနစ်ဝါဒသွတ်သွင်းတာတို့ ၊ အကျဥ်းချခံထားရတဲ့ဝိဂါမူစလင်တွေရဲ့ ကိုယ်တွင်းကလီစာ ထုတ်ရောင်းတာတွေကို အရင်စဥ်းစားပါလို့ မိမိတို့က အကြံပြုလိုတယ် ။
myanmar society🇲🇲
{ အဲ့ဒီလိုကစားမဲ့ အကွက်ထဲမှာ AA ထပ်ပါလာနိုင်သလားဆိုတာကတော့ တချက်စောင့်ကြည့်ရမှာ ဖြစ်ပါတယ် ။ AA ဟာ သူတို့ဖမ်းမိခဲ့တဲ့ စစ်ကောင်စီတပ်သားကို ဘင်္ဂလားဒေ့ရှ်ကနေ နယ်သာလန်ကို ပို့ခဲ့တဲ့ကိစ္စ ရှိပါတယ် ။ သို့ပေမဲ့ ဖက်ဒရယ်ဒီမိုကရေစီအပြောင်းအလဲမှာတော့ ပြောင်းလဲသွားနိုင်တာမျိုး ရှိနိုင်တာကြောင့် မှန်းခြေစာရင်းထဲမှာ သွပ်သွင်းခြင်းအား ချန်လှပ်ခဲ့ရခြင်းပါ }
