ဤသည်ကား တိုက်ဆိုင်မှု မဟုတ်
ဝူဟန်မြို့မှာ ကိုရိုနာဗိုင်းရပ်စ်စတင်ဖြစ်ပွားလာကတည်းက မြန်မာပြည်ကစစ်အာဏာရှင်တွေရဲ့ ၂၀၂၀ ရွေးကောက်ပွဲထိဆွဲဆန့်နိုင်ရေး ရည်မှန်းချက်( ဒေါ်အောင်ဆန်းစုကြည်ဖြုတ်ချရေး) နှင့် တရုတ်၏ အမေရိကန်နောက်ရွေးကောက်ပွဲထိ ဆွဲဆန့်နိုင်ရေးရည်မှန်းချက်( သမ္မတဒေါ်နယ်ထရန့်ဖြုတ်ချရေး )ဟာ ထိုသူတို့၏ဖျက်ကိန်းရဲ့ အနှစ်သာရဟု ယခင်ဆောင်းပါးတွေထဲမှာ မကြာမကြာထည့်ရေးဖူးပါတယ် ။
ကမ္ဘာ့နိုင်ငံရေးမှာ အမေရိကန်ဒီမိုကရက်ပါတီရဲ့နိုင်ငံရေးကစားကွက်တွေကိုပါ ချိတ်ဆက်လိုက်ချိန်မှာ လက်ရှိကမ္ဘာ့အရေး/မြန်မာ့အရေးဟာ ပြီးပြည့်စုံသလောက် အခင်းအကျင်းတစ်ခု ထွက်ပေါ်လာခဲ့ပါတယ် ။ ခြုံငုံသုံးသပ် တွက်ဆနိုင်သူတွေတော့ အကဲခတ်မိကြလိမ့်မည် ထင်ပါတယ် ။
အရှေ့တောင်အာရှဖက်ခြမ်း
အမေရိကန်-တရုတ် အားပြိုင်မှုမှာ အဓိကမဟာဗျူဟာသော့ချက်ဟာ မြန်မာ့ဒီမိုကရေစီလမ်းစဥ်အောင်မြင်ရင် အမေရိကန်နိုင်တယ် ၊ မြန်မာ့ဒီမိုကရေစီလမ်းစဥ် နောက်ပြန်လန်ကျရင် တရုတ်နိုင်ပြီလို့လည်း အကြိုတွက်ချက်ကာ ဟောကိန်းထုတ်ခဲ့ပါတယ်။ဘာဖြစ်လို့လဲဆိုရင် မြန်မာ့ဒီမိုကရေစီအပြောင်းအလဲဟာ ကမ္ဘာ့နိုင်ငံရေးအပြောင်းအလဲအတွက် အသက်သွေးကြောဖြစ်နေခဲ့လို့ပါပဲ ။
အဲ့ဒီမဟာဗျူဟာသော့ချက်ကတော့ မြန်မာ့စာမျက်နှာသာမက ကမ္ဘာ့စာမျက်နှာကိုပါ တက်ပြီးပြောင်းနိုင်လောက်တဲ့ မြန်မာ့နိုင်ငံရေးပါ ။အဲ့ဒီရလဒ်ရဖို့ မြန်မာပြည်သူတွေ မဲဘယ်လိုပေးကြမလဲအပေါ် မူတည်ခဲ့ပါတယ် ။ မြန်မာနိုင်ငံမှာ မြန်မာပြည်သူတွေက NLD ပါတီကို ပုံအောပြီး မဲထည့်ခဲ့ကြလို့ NLD ပါတီ ရွေးကောက်ခံခဲ့ရပါတယ် ။
ရွေးကောက်ပွဲကော်မရှင်ဟာ ကြိုတင်မဲကို အရင်ဖြတ်ပြီးမှ ရွေးကောက်ပွဲရက်မှာ မှားချေနည်းနိုင်အောင် လျော့ချထားတဲ့စီမံမှုကြောင့် ၊ မဲအလေအလွင့်နှင့်ထပ်တိုးမဲများနည်းပြီး မှန်ကန်တဲ့ရလဒ်ကြောင့် ၊ မဲဖောင်းပွမှု နည်းသွားတာကြောင့် အဆင်ပြေပြေ အထမြောက်သွားတာလည်း ပါပါတယ် ။
မြန်မာ့ရွေးကောက်ပွဲအောင်နိုင်ရေးအတွက် အမေရိကန်ရွေးကောက်ပွဲနဲ့ သွေးဆောင်ဖြားယောင်းထားတဲ့ နိုင်ငံရေးလှည့်ကွက်တွေကို တွေ့ခဲ့ရတယ် ။ အဲ့ဒီလိုဖြားယောင်းထားတဲ့ နိုင်ငံရေးလှည့်ကွက်ထဲကို တည့်တည့်မတ်မတ်ဝင်သွားတာကိုလည်း တွေ့ခဲ့ရပါတယ် ။
မြန်မာ့ရွေးကောက်ပွဲပြီးသွားပြီဖြစ်လို့ အမေရိကန်သမ္မတဒေါ်နယ်ထရန့်ဟာ သူ့ရဲ့နိုင်ငံရေးအရွေ့ကို အရှိန်မြင့်ကစားလိမ့်မယ်လို့ မိမိရေးသားချက်အပေါ် တချို့တွေလည်း နားလည်သဘောပေါက်ကြသလို ၊ တချို့လည်း နားလည်သဘောပေါက်မှု နည်းတာကိုလည်း တွေ့ရပါတယ် ။
မည်သို့ဆိုစေ မြန်မာ့ရွေးကောက်ပွဲအပြီးမှာ အမေရိကန်ကာကွယ်ရေးဝန်ကြီး အပြောင်းအလဲ ၊ အရှေ့အလယ်ပိုင်း အပြောင်းအလဲအတွက် နောက်ထပ်ဖြေလျော့မှု ၊ အရှေ့တာကစ္စတန်အကြမ်းဖက်တွေအပေါ် ဖြေလျော့မှုအပြင် ၊ သန်းချီတဲ့ လူအုပ်ကြီးရဲ့ဆန္ဒဖော်ထုတ်ပွဲတွေဟာ အမေရိကန်မှာ ပေါ်ပေါက်လာခဲ့ပါတယ် ။ တိုက်ဆိုင်မှုလော ??
ရှေ့ဆက်မည့်ကမ္ဘာ့အရေးသည် မည်သို့နည်း ။ သိသူတွေ သိလောက်ပြီ ။
သြော်... ဒါနဲ့စကားမစပ် ~~ မနေ့ကပဲ တရုတ်သမ္မတရှီကျင်းပင်တစ်ယောက် မြန်မာ့ရွေးကောက်ပွဲ ကို Congratulation လုပ်ပေးလိုက်ပါပြီ ။
myanmar society🇲🇲
