G7နှင့်၎င်း၏အရွေ့
ဂျိုးဘိုက်ဒန်ဟာ G7 အစည်းအဝေးမှာ မှားယွင်းမှုများစွာပြုလုပ်ခဲ့ပြီး တစ်ချိန်တည်းတွင် ကမ္ဘာ့ခေါင်းဆောင်များဟာ သူ၏မေ့လျော့ခြင်းကို မပြုံးဘဲဝါးလုံးကွဲရယ်မောခဲ့ကြတယ်လို့ သိရပါတယ် ။
G7 ရဲ့နောက်ဆုံးရလဒ်အဖြေက ပိုးလမ်းမတလျောက်က နိုင်ငံငယ်တွေကို အခြေခံအဆောက်အဦးဆောက်နိုင်ဖို့ အလွန်သက်သာသောအတိုးနှုန်းနဲ့ ချေးပေးမယ်ဆိုတဲ့ Build Back Better for the World (B3W)အစီအစဥ်ပဲ ဖြစ်ပါတယ် ။
အဲ့ဒီအပေါ်ကနေ တွေးကြည့်ရရင် တရုတ်ကပိုးလမ်းမ( BRI ) လမ်းဖောက်ဖို့ တရုတ်ပြည်မကြီးက ဦးဆောင်ဦးရွက်ပြုနေတဲ့အခန်းကဏ္ဍအား G7က ရယူမဲ့သဘောမျိုးလားလို့ စဥ်းစားစရာ ရှိပါတယ်။ G7 ကပါ အခြေခံအဆောက်အဦးဆောက်တွေအတွက် ငွေချေးပြီး အကောင်အထည်ဖော်မယ်ဆိုတော့ ပိုးလမ်းမကို အသိအမှတ်ပြုပေးလိုက်ရာ ရောက်ပါတယ် ။ အပြိုင်လုပ်တယ်ဆိုတဲ့နေရာမှာ ဘယ်သူတွေ အဓိက နစ်နာမလဲဆိုတဲ့အပိုင်းဟာ နိုင်ငံငယ်တွေရဲ့ တာဝန်ပဲ ဖြစ်လာတော့မည့်သဘောမျိုးပါပဲ ။
တရုတ်ပြည်မကြီးရဲ့ပိုးလမ်းမ အိပ်မက်ကိုအကောင်အထည်ဖော်နိုင်ဖို့ နိုင်ငံငယ်တွေကို အတိုးနှုန်းမြင့်မြင့်နဲ့ အကြွေးထောင်ချောက်ဆင်ပြီး ဖမ်းလို့ အကြွေးနွံနစ်သွားရတဲ့နိုင်ငံငယ်တွေ အများကြီး ရှိပါတယ်။
ပိုးလမ်းမအကောင်အထည်ပေါ်သွားတာနဲ့ တရုတ်ပြည်မကြီးရဲ့ ကမ္ဘာကို လွှမ်းမိုးချုပ်ကိုင်မဲ့အစီအစဥ်ဟာ အထမြောက်သွားမှာလည်း ဖြစ်ပါတယ် ။ အဲ့ဒီလိုဖြစ်လာဖို့ကိုလည်း တရုတ်က ဘာပြီးရင်ဘာလာမယ်ဆိုတဲ့ ရည်ရှည်စီမံချက်တွေ ဆွဲပြီး ဖြစ်ပါတယ် ။ ပိုးလမ်းမနဲ့ တွဲဖက်မဲ့ ခရိုက်တိုငွေကြေးက အစပေါ့ ။
အဲ့လို အစီအစဥ်တွေ G7 မှာ ရှိပြီလား ??
မရှိရင်တော့ တရုတ်ပြည်မကြီးရဲ့ ပိုးလမ်းမကြီးကို ကူပြီး အကောင်အထည်ဖော်ပေးရာ ရောက်မှာ ဖြစ်သလို တရုတ်ပြည်မကြီးရဲ့လက်အောက်ကို သက်ဆင်း ဒူးတုပ်သွားရမှာလည်း ဖြစ်ပါတယ် ။
ဥရောပ နှင့် တရုတ်ပြည်မကြီး ရွှေလမ်း၊ငွေလမ်းဖောက်မဲ့ကိစ္စမှာ အမေရိကန်ဟာ ကြားညက်သွားတာမျိုးလည်း ဖြစ်ကောင်းဖြစ်လာနိုင်တယ် ။
ဒါကြောင့် B3W အစီအစဥ်ဟာ ရေနစ်သူကို ဝါးကူထိုးတာလား ၊ ကယ်ဆယ်ရေးလုပ်မှာလားကတော့ စောင့်ကြည့်ကြပါစို့လို့ပဲ ပြောရမှာပါပဲ။
အခြားတဖက်ကနေပြန်တွေးကြည့်ရရင်
BRI MAPဆိုတာ တရုတ်ပြည်မကြီးက စတာမို့လား ၊ G7 အစည်းအဝေးရဲ့အလိုအရဆိုရင် ဥရောပကနေ အရှေ့ကို ပြန်သွားမည့် EURO ROAD MAP လည်း ဖြစ်နိုင်ပါတယ် ။ သဘောကတော့ ပိုးလမ်းမကို လုမဲ့အစီအစဥ်ပေါ့ ။ အဲ့လိုလည်း ဖြစ်နိုင်ပါတယ် ။
ဘယ်လိုပဲဖြစ်ဖြစ် အပြိုင်အဆိုင်ရှိလာရင် ဝယ်ယူသူဖက်က ရွေးချယ်စရာ ရှိလာမှာပဲ ။ အပြိုင်အဆိုင်များလေ ဝယ်ယူသူအတွက် အရည်အသွေးနှင့်စျေးနှုန်းကို ပိုမိုရွေးချယ်ခွင့် ရှိလာနိုင်ကောင်းတယ်လို့တော့ ထင်ရတာပါပဲ ။
သက္ကာရည်ဆမ်းထားတဲ့စကားလုံးတွေဟာ နားထောင်လို့ကောင်းတာမှန်ပေမဲ့ အကောင်းလား ၊ အဆိုးလားဆိုတာကတော့ လေသံနားထောင်ပြီး ဆုံးဖြတ်လို့မရပါဘူး ။ တကယ့်လုပ်ဆောင်ချက်က ဘယ်ရွေ့ဘယ်မျှ ထိရောက်သလဲ၊မည်၍မည်မျှအကျိုးပြုသလဲဆိုတဲ့ လုပ်ဆောင်ချက်နဲ့ တိုင်းတာဆုံးဖြတ်ရမှာ ဖြစ်ပါတယ် ။
myanmar society🇲🇲
မြန်မာ့အရေးနဲ့ပက်သက်လို့ G7 မှာဆွေးနွေးခဲ့တယ်လို့ သိရပါတယ် ။ပြစ်တင် ၊ ရှုံ့ချ ယုံလောက်နဲ့တော့ ဘာမှထူးခြားလာမှာမဟုတ်လို့ ထူးပြီးမဝေဖန်တော့ပါဘူး ။ G7 မှာ တရုတ် နှင့် ရုရှားမပါတော့ မျက်နှာကြည့်စရာမလိုဘဲ ပြောလို့ရယုံကလွဲလို့ သိပ်တော့လည်း ထူးမယ်မဟုတ်ဘူး ။
မြန်မာ့အာဏာသိမ်းခံရတဲ့ကိစ္စနဲ့ ပက်သက်လို့ ...
အမေရိကန်သံရုံးကလည်း ရှုံ့ချတယ်...
နိုင်ငံတကာသံရုံးတွေကလည်း ရှုံ့ချတယ် ...
UN ကလည်း ရှုံ့ချတယ် ...
အဖွဲ့အစည်းပေါင်းစုံကလည်း ရှုံ့ချတယ်...
ကမ္ဘာ့ခေါင်းဆောင်တွေကလည်း ဝိုင်းစိုးရိမ်ပေးခဲ့ကြတယ် ...
သို့သော်...
အမျိုးသားညီညွတ်ရေးအစိုးရက အကျိုးမရှိနိုင်ဘူးပြောခဲ့တဲ့ အာစီယံအစည်းအဝေးအချက်( ၅ )ချက်ကျတော့ ကမ္ဘာ့နိုင်ငံတွေက ဝိုင်းထောက်ခံပါသတဲ့ ။
အာစီယံကို ဖိအားပေးထိန်းကြောင်းနေတာက တရုတ်ပြည်မကြီးဖြစ်နေခဲ့တာပါ ။တရုတ်ပြည်မကြီးက အာဏာသိမ်းစစ်ကောင်စီကို အားပေးထောက်ခံ ပံ့ပိုးပေးနေခဲ့တာပါ ။အဲ့ဒီတော့ အာစီယံရဲ့လုပ်ဆောင်ချက်ကိုထောက်ခံပေးနေခဲ့ခြင်းဟာ ကမ္ဘာ့နိုင်ငံတွေဟာ စစ်ကောင်စီကို သွယ်ဝိုက်ထောက်ခံပေးသလို ဖြစ်နေတယ် ။
မြန်မာ့အာဏာသိမ်းကိစ္စမှာ တရုတ်ပြည်မကြီးရဲ့ပေါ်ပေါ်ထင်ထင် ဝင်ရောက်စွပ်ဖက်နေမှုကို ကမ္ဘာ့အင်အားကြီး ဒီမိုကရေစီနိုင်ငံတွေ မသိဘဲ မနေပါဘူး။ အဲ့လိုလုပ်နေတာကို ပြစ်တင်ဝေဖန်သံထွက်မလာသေးဘူးဆိုတော့ ကမ္ဘာ့ဒီမိုကရေစီအင်အားကြီးနိုင်ငံတွေရဲ့ ပေါ်လစီနဲ့ မြန်မာ့အာဏာသိမ်းခံရတဲ့ကိစ္စဟာ မငြိဘူး၊တိုက်ဆိုက်မှု သိပ်မရှိလှဘူးလို့ မှတ်ယူရမဲ့သဘော ရှိပါတယ် ။
