မာနလျော့ပြီး ခြေသံလုံစေချင်မိ
ချင်းရွှေဟော်က အစပြုလို့ နောင်ချိုထိ ( ၆ )ရက်တာကာလအတွင်း မြောက်ပိုင်းသုံးဖွဲ့ဦးဆောင်သည့်စစ်ဆင်ရေးမှာ စစ်ကောင်စီစစ်စခန်း (၉၀) ကျော်သိမ်းယူနိုင်ခဲ့တယ်ဆိုသည့်သတင်းတွေကြားသိရလို့ "ဒါမျိုးဖြစ်ရမှာကွ" ဆိုပြီး ပြည်သူတွေလည်း စိတ်ဓာတ်တက်ကြွနေကြပါတယ်။ မဟာမိတ်အလိုင်းဖွဲ့စစ်ဆင်ရေးတွေတောင် လုပ်နိုင်ကြလို့လည်း အားတက်နေကြပါတယ်။ပြည်သူတွေကလည်း ကြိုဆိုနေကြပါတယ်။
သို့ပေမဲ့ နိုင်ငံတကာနိုင်ငံရေးမျက်နှာစာမှာက အဲ့သည်လို ဖြစ်မနေတာ တွေ့ရပါတယ်။ ဘယ်လိုဖြစ်နေလဲဆိုတော့ သူပုန် [ Rebel ] ဆိုပြီး ဟိုးလေးတကျော်ဖြစ်နေတယ်။၎င်းကိစ္စနဲ့ပက်သက်လို့ နည်းနည်းလောက်ပြောရရင် ___
( ၁ ) ခုနောက်ပိုင်းမှာ အမျိုးသားညွတ်ရေးအစိုးရဟာ ချောင်ထိုးခံရပြီး အလုအယက်ဗိုလ်ဝင်ခံချင်တဲ့အဖွဲ့တွေ အတော်များလာတာ တွေ့ရပါတယ်။အားလုံးနဲ့ အဆင်ပြေအောင် စီမံရင်း နောက်ရောက်သွားတာမျိုးလည်း ဖြစ်ကောင်းဖြစ်နိုင်ပါတယ်။
( ၂ ) မြန်မာ့နွေဦးတော်လှန်ရေးအမည်နာမနဲ့ လှုပ်ရှားမှုဟာလည်း တဖြည်းဖြည်းမှေးမှိန်လာတာ တွေ့ရပါတယ်။
အမျိုးသားညီညွတ်ရေးအစိုးရဟာ "ဒိုင်းကာ"အဖြစ်အကာအကွယ်ယူဖို့ ပြည်သူတွေကဖွဲ့စည်းခိုင်းထားတာဖြစ်သလို နွေဦးတော်လှန်ရေးတပ်သားတွေဟာ "ဓား"အသွင် ဖွဲ့စည်းထားတဲ့မဟာဗျူဟာအမြင်နဲ့ နိုင်ငံတကာနိုင်ငံရေးမျက်နှာစာကို စတင်ချဉ်းကပ်ခဲ့တာ ဖြစ်ပါတယ်။၎င်းအချင်းအရာအား နွေဦးတော်လှန်ရေးစစ်သည်တစ်ယောက်ချင်းစီတိုင်းရော ၊ တိုင်းရင်းသားလက်နက်ကိုင်အဖွဲ့များကပါ နားလည်ထားရမည့်အရာ ဖြစ်ပါတယ်။ပွဲဦးထွက်အခြေတည်ထားသည့်ကနဦးမဟာဗျူဟာကနေ လွတ်ထွက်သွားခြင်းဟာ ဘေးထွက်ဆိုးကျိုး အမျိုးမျိုးဝင်လာနိုင်စရာအကြောင်းတွေ ရှိပါတယ်။
တကယ်တော့ ဒါဟာကောင်းတဲ့လက္ခဏာ တစ်ရပ်တော့ မဟုတ်ပါဘူး။ရွေးကောက်ခံတွေကနေတဆင့်ဖွဲ့စည်းထားသည့် ပြည်သူကိုယ်စားပြုအစိုးရဖြစ်တယ်ဆိုတဲ့အကြောင်းတရားနဲ့ ဒိုင်းကာသဖွယ် ခုခံထားသည့်နိုင်ငံတကာနိုင်ငံရေးအခင်းအကျင်းစစ်မျက်နှာမှာ ဒိုင်းကာဖယ်ရှားပြီး အကာအကွယ်မဲ့တက်သွားတာနဲ့ တူလှပါတယ်။နွေဦးတော်လှန်ရေးအမည်နာမနဲ့လှုပ်ရှားမှု မှေးမှိန်သွားခြင်းဟာလည်း ဒီမိုကရေစီအရေးလှုပ်ရှားမှုတပ်ဦးအလံကို ပစ်ပယ်ရိုက်ချိုးလိုက်တာနဲ့တူပါတယ်။
တိုင်းရင်းသားလက်နက်ကိုင်တွေရဲ့တော်လှန်ရေးဟာ ယနေ့အချိန်ထိ " သူပုန်" ခေါင်းစဉ်အောက်မှာ ကင်ပွန်းတပ်ခြင်း ခံနေရဆဲဖြစ်တယ်ဆိုတဲ့ အမှန်တရားကို နားလည်ဖို့လိုပါတယ်။ကမ္ဘာကြီးက ဘယ်လိုမြင်နေတယ် ၊ ဒါကြောင့် မိမိတို့ဖက်က မည်ကဲ့သို့ချဉ်းကပ်သင့်တယ်ဆိုတာ အကြံပြုတာမျိုးပါ။
ဒါဟာ မည်ကဲ့သို့သော နိုင်ငံရေးကို ဦးတည်သွားစေသလဲဆိုရင် 👉Rebel Vs Junta👈 နိုင်ငံရေးကို ဦးတည်သွားစေပါတယ်။ဒါဟာ ကောင်းတဲ့လက္ခဏာတစ်ရပ် ဖြစ်မနေပါဘူး။အဲ့သည်လို ဖြစ်သွားခဲ့ရင် စစ်ကောင်စီအတွက် လှုပ်ရှားခွင့် အသာစီးရသွားစေနိုင်ပါတယ်။
အကြံပြုရရင် တိုင်းရင်းသားလက်နက်ကိုင်တော်လှန်ရေးအဖွဲ့တွေဟာ နွေဦးတော်လှန်ရေးကို ဝင်ရောက်ကူညီတဲ့ခေါင်းစဉ်နဲ့သွားတာက ပိုသင့်တော်ပါတယ်။တကယ်မြေပြင်မှာတော့ တိုင်းရင်းသားလက်နက်ကိုင်တပ်တွေက ဦးဆောင်တိုက်ချင်လည်း တိုက်မှာပေါ့ ၊ တိုက်ပြီးရင်လည်း သိမ်းပိုက်ရရှိထားသည့်နယ်မြေကို တိုင်းရင်းသားလက်နက်ကိုင်အဖွဲ့တွေကပဲ ဦးစီးချင်လည်း ဦးစီးမှာပဲ။ နိုင်ငံတကာနိုင်ငံရေးစာမျက်နှာမှာ အမြင်ပန်းလှအောင် မည်ကဲ့သို့သောခေါင်းစဉ်နဲ့သွားသင့်လှတယ်ဆိုတာ အကြံပြုရခြင်း ဖြစ်ပါတယ်။
နွေဦးတော်လှန်ရေးစစ်သည်တွေဟာ တိုင်းရင်းသားလက်နက်ကိုင်အဖွဲ့တွေရဲ့သင်တန်းဆင်းတွေဆိုတာ မြန်မာပြည်သူလူထုက သိပြီးသားဖြစ်ပါတယ်။ပြည်သူတွေကြားမှာ ဘယ်သူမှ အငြင်းပွားစရာ ရှိမနေပါဘူး။
ပန်းမဝင်ခင် ဒိုင်းကာဖြုတ် ၊ တပ်ဦးအလံဖြုတ်ရင် အခြေအနေတမျိုးပြောင်းသွားနိုင်ပါတယ်။ပန်းဝင်ပြီးမှ ကျုပ်တို့က ဘယ်လိုဦးဆောင်ခဲ့တာဆိုပြီး စကျင်ကျောက်တုံးကြီးပေါ်မှာ ကျကျနနန ကဗ္ပည်းစာတန်းပဲထိုးထိုး ပြဿနာမရှိပါဘူး။ခုလို ဟိုဖက်သည်ဖက် လွန်ဆွဲနေသည့်မိုးထဲရေထဲကာလမှာတိုင်းရင်းသားခေါင်းဆောင်များဖက်က မာနတွေ နည်းနည်းလောက်လျော့ချပြီး သည်းခံပေးစေလိုပါတယ်။
[ ချစ်ခြင်အားဖြင့် သည်စာရေးခြင်းဖြစ်ပါတယ် ]
myanmar society 🇲🇲
မြန်မာပြည်သူပြည်သားများ ကိုယ်စိတ်နှစ်ဖြာ ကျန်းမာ၊ချမ်းသာ ရှိကြပါစေ ~~
