လက်နက်နှင့်လူ တသားတည်းမရှိတော့

မိစ္ဆာတပ်ဟာ  လက်နက်နှင့်လူ  တသားတည်းမရှိဘူးဆိုတာ  လက်နက်တွေက စကားပြောနေပါတယ်။

လူ့သဘောသဘာဝမှာ  မိမိမြတ်နိုးတန်ဖိုးထားရတဲ့အရာဟာ  ခမ်းနားကြီးကျယ် မနေခဲ့ရင်တောင်   အရိပ်တကြည့်ကြည့်၊တသသနဲ့  ဂရုစိုက်နေတတ်တာမျိုးပါ။

သိမ်းဆည်းရမိသည့်လက်နက်တွေဟာ အရောင်မထွက် မွဲခြောက်နေတာကို  ကြည့်ခြင်းအားဖြင့် မိစ္ဆာတပ်ဟာ လက်နက်နှင့်လူ တသားတည်းရှိမနေခဲ့ဘူးလို့  ​မှတ်ချက်ပြုလို့ရနိုင်ပါတယ်။ဒါကြောင့်  ရှေ့လျှောက် မိစ္ဆာတပ်ဟာ အကြီးအကျယ်ရှုံးနိမ့်မှုတွေ  ထပ်ကြုံတွေ့ရဖို့ပဲ  ရှိပါတယ်။

မင်းတို့ပြည်သူတွေ  နိုင်ငံရေး၊စစ်ရေးဘယ်လောက် နားလည်နေလို့လဲဆိုတဲ့ မိစ္ဆာတပ်၏ဖက်တော်သားများရဲ့အငေါ့ထူပြီးပြောတာကို  "ငါတို့ပြည်သူတွေက လွှတ်တော်ကြီးကို  ဖန်တီးနိုင်တယ် ၊ ငါတို့ပြည်သူတွေက မဟာတပ်မတော်ကြီးကို ဖန်တီးနိုင်တယ်"လို့   ပြည်သူတွေဖက်က ခွန်းတုန့်ပြန်​ချေပခဲ့ကြတာကို  တွေ့ခဲ့ရပါတယ်။

အဲ့သည်လို  အတွေးအခေါ်၊အယူအဆမျိုးကို အာဏာသိမ်းမှု မပြုခင်ကတည်းက  ပြည်သူတွေက  ရရှိနေခဲ့တာလည်း  ဖြစ်ပါတယ်။အဲ့ဒါကို  မယုံကြည်ဘဲ  ရှေ့ဆက်တိုးလို့  မိစ္ဆာတပ်ဟာ  အရှုံးနဲ့ ရင်ဆိုင်နေရတာ ဖြစ်ပါတယ်။

မြန်မာပြည်တွင်းမှာရှိသော နိုင်ငံရေးအဖွဲ့အစည်း(သို့မဟုတ်)လက်နက်ကိုင်အဖွဲ့အစည်း အသီးသီးဟာ အရင်ကမည်ကဲ့သို့ပဲရှိခဲ့ရှိခဲ့  နွေဦးတော်လှန်ရေးနှင့်အတူ လိုက်ပါပြောင်းလဲပြီး  ပြည်သူ့အကျိုးနှင့်ပြည်သူ့ဆန္ဒကို  ရှေ့ရှုလုပ်ဆောင်၊ ရပ်တည်ကြဖို့  တိုက်တွန်းလိုပါတယ်။

ပြုပြင်ပြောင်းလဲလိုစိတ်မရှိသောအဖွဲ့စည်းများဟာ  ကမ္ဘာ့အရေးနှင့်ပြည်တွင်းရေး ဖိအားတွေအောက်မှာ  ကျရှုံးမှုတွေနဲ့ ရင်ဆိုင်ရဖို့  အလားအလာများစွာ  ရှိနေပါတယ်။အလှည့်မကျသေးလို့  တံခါးလာမခေါက်သေးတဲ့သဘောမျိုးပါ။

myanmar society 🇲🇲